ᑐᕌᕐᕕᐅᔪᖅ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖅ (TIP) ᑐᓂᓯᖃᑦᑕᖅᐳᑦ $22,261,667ᓂᒃ ᐊᑐᓂ ᐅᑭᐅᖅᑕᖅᑐᒥ ᒐᕙᒪᐅᔪᓄᑦ.  ᑮᓇᐅᔭᓂᒃ ᐊᑐᕐᓂᕐᒧᑦ ᐸᕐᓇᐅᑎᑦ ᓴᓇᔭᐅᖃᑦᑕᖅᑐᑦ ᐊᑐᓂ ᐅᑭᐅᖅᑕᖅᑐᕐᒥ ᒐᕙᒪᐅᔪᓄᑦ ᐊᑐᖅᑕᐅᓂᐊᖅᑐᑦ, ᐅᖃᐅᔾᔭᐅᒋᐊᖅᓯᒪᓪᓗᑎᒃ ᐅᑭᐅᖅᑕᖅᑐᕐᒥ ᒐᕙᒪᐅᔪᓄᑦ ᐊᒻᒪ ᐊᒃᑐᖅᑕᐅᓯᒪᔪᓄᑦ, ᐊᒻᒪ ᓄᑖᕈᕆᐊᖅᑕᐅᖃᑦᑕᖅᑐᑦ ᐊᕐᕌᒍᑕᒫᓐ.  ᐱᓕᕆᐊᖑᔪᑦ ᒪᓕᒃᓯᒪᔭᕆᐊᖃᖅᑐᑦ ᐊᑐᖅᑕᐅᔪᓄᑦ ᐸᕐᓇᐅᑎᓂᒃ.  ᑐᓐᖓᕕᒋᓪᓗᒋᑦ ᐃᓗᓕᕆᔭᖏᑦ ᐸᕐᓇᐅᑎᑦ ᐱᑕᖃᑐᐃᓐᓇᕆᐊᓕᒃ ᐱᑕᖃᓐᖏᑐᐃᓐᓇᕆᐊᖃᖅᑐᕐᓗ ᑐᒃᓯᕋᐅᑎᓂᒃ ᐱᔪᒪᓂᕐᒥᒃ ᐱᓕᕆᐊᒃᓴᒧᑦ ᐱᔪᒪᓇᓱᒍᑎᒃᓴᓄᑦ.  ᑕᑯᓗᒋᑦ ᐊᒡᒍᖅᑐᖅᓯᒪᓂᕐᒧᑦ ᑐᕌᖓᔪᑦ ᑮᓇᐅᔭᖃᖅᑎᑦᓯᓂᕐᒧᑦ ᐱᓕᕆᔾᔪᑕᐅᔪᑦ.

ᑐᕌᒐᒃᓴᖏᑦ ᓇᓗᓇᐃᖅᑕᐅᓯᒪᔪᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᑎᒍᑦ ᑐᓐᖓᕕᖃᖅᑐᑦ ᑎᓴᒪᐅᓕᖅᑲᖓᓪᓗᑎᒃ ᑕᐃᒎᓯᖅᑕᐅᓯᒪᔪᓂᒃ:

1 - ᓴᓇᓂᖅ ᖃᐅᔨᒪᓂᕐᒧᑦ ᑐᓐᖓᕕᖕᒥᒃ ᐱᓪᓗᐊᑕᐅᔪᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᓕᕆᔨᐅᔪᓂ ᐅᕝᕙᓗ ᐱᓕᕆᐊᖏᑦ ᐃᑲᔪᖅᓯᓂᐊᖅᑐᑦ ᐋᖅᑭᒡᓯᑎᓪᓗᒋᑦ ᓯᕗᒧᐊᒍᑎᒃᓴᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕝᕕᒃᓴᐅᔪᓂ.

ᑮᓇᐅᔭᖃᖅᑎᑦᑎᓂᖅ ᑕᒪᑐᒥᖓ ᐃᑲᔪᖅᑐᐃᓗᑎᒃ ᐱᓕᕆᐊᓂᒃ ᓲᕐᓗ ᐅᔭᕋᒃᓴᓂᒃ ᖃᐅᔨᓴᐃᓂᕐᒧᑦ; ᓄᓇᓐᖑᐊᓕᕆᓂᕐᒧᑦ; ᐱᕙᓪᓕᐊᑎᑕᐅᔪᑦ ᕿᒥᕐᕈᔭᐅᓂᖏᑦ ᐱᖃᓯᐅᑎᓪᓗᒋᑦ ᐃᖃᓪᓕᐊᖅᑐᓕᕆᓂᖅ; ᓄᐊᑕᐅᓂᖏᑦ ᐅᕝᕙᓘᓐᓃᑦ ᖃᕆᑕᐅᔭᒃᑰᕈᓐᓇᖅᓯᑎᑕᐅᓂᖏᑦ ᐃᓅᓯᕐᒧᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᓪᓗ ᑐᓴᒐᒃᓴᐅᔪᑦ ᐱᓪᓗᐊᑕᐅᓂᖏᑦ ᐱᖃᓯᐅᔾᔭᐅᓯᒪᖏᑦᑐᑦ ᖃᐅᔨᓴᐃᓂᕆᔭᐅᕙᒃᑐᒃᑯᑦ ᐅᑭᐅᖅᑕᖅᑐᕐᒥᐅᑦ ᓄᓇᖓᑦ ᐅᖓᓯᒌᖕᓂᖓᓐᓄᑦ ᐊᒃᓱᕈᕈᑎᖃᕐᓂᖏᓐᓄᑦ; ᐊᒻᒪ ᐱᓕᕆᕝᕕᐅᔪᑦ ᑐᓴᒐᒃᓴᖁᑎᖏᑦ ᓄᐊᑕᐅᓂᖏᓐᓄᑦ ᐊᒻᒪ ᐅᓂᒃᑳᖅᓯᒪᔪᖁᑎᖏᓐᓄᑦ.

2 - ᐱᐅᓯᒋᐊᖅᑎᑦᑎᓂᖅ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᖁᑎᕐᔪᐊᖃᕐᓂᕐᒧᑦ ᑐᓐᖓᕕᒃ ᐃᑲᔪᖅᑐᐃᓂᒃᑯᑦ ᐱᕙᓪᓕᐊᑎᑦᑎᓂᕐᒥᒃ ᐊᑕᐅᓯᐅᖏᑦᑐᒧᑦ ᐊᑐᖅᑕᐅᖃᑦᑕᕋᔭᖅᑐᒥᒃ ᐱᖁᑎᕐᔪᐊᒥᒃ ᐊᒃᑐᐊᓂᖃᓪᓚᕆᒃᑐᒃᑯᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕈᖅᓴᐃᓂᕐᒧᑦ.

ᑮᓇᐅᔭᖃᖅᑎᑦᑎᓂᖅ ᑕᒪᑐᒥᖓ ᐃᑲᔪᖅᑐᐃᓂᕐᒧᑦ ᐱᓕᕆᐊᓂᒃ ᓲᕐᓗ ᓯᕗᒧᐊᒍᓐᓇᕐᒪᖔᑕ ᖃᐅᔨᓴᐃᓂᕐᓂᒃ; ᐱᓕᕆᐊᒃᓴᕆᓂᐊᖅᑕᖏᑕ ᖃᓄᐃᓐᓂᕆᔭᖏᑦ ᓇᖕᒥᓂᖃᖅᑐᑦ ᒐᕙᒪᒃᑯᓪᓗ ᑕᐱᕇᒡᓗᑎᒃ ᐱᓕᕆᖃᑎᒌᒃᑎᓪᓗᒋᑦ; ᐅᖄᓚᐅᑎᒃᑯᑦ ᑐᓴᐅᒪᖃᑎᒌᒍᑎᓄᑦ ᑮᓇᐅᔭᖃᖅᑎᑦᑎᖃᑦᑕᕐᓂᖅ ᑕᒪᒃᑯᓄᖓ ᐊᑭᓕᖅᓱᖅᑕᐅᖏᑦᑐᓄᑦ ᐊᓯᖏᑎᒍᑦ ᑲᓇᑕᐅᑉ ᒐᕙᒪᒃᑯᖏᑕ ᐱᓕᕆᐊᖏᓐᓄᑦ; ᑐᕌᕐᕕᐅᔪᑦ ᑮᓇᐅᔭᖃᖅᑎᑕᑦ ᐃᑲᔪᖅᑐᐃᖁᓪᓗᒋᑦ ᐱᕈᖅᐸᓪᓕᐊᓂᖏᑦ ᐊᓯᖏᑕ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᓕᕆᔨᐅᔪᑦ ᓲᕐᓗ ᐳᓚᕋᑦᑐᓕᕆᓂᖅ ᐊᒻᒪ ᐃᓱᒪᒐᔪᖕᓂᖅ; ᒥᑭᑦᑐᒃᑯᑦ ᐊᑭᑐᔪᓂᒃ ᑮᓇᐅᔭᖃᖅᑎᑦᓯᓂᖅ ᐊᒃᑐᐊᓂᖃᖅᑐᓂᒃ ᑮᓇᐅᔭᓕᐅᕋᑎᖃᕋᓱᐊᕐᓂᕐᒧᑦ ᐊᔾᔨᒌᖏᑦᑐᓄᑦ (ᓲᕐᓗ ᓇᓗᓇᐃᒃᑯᑕᓂᒃ ᑎᑎᕋᖅᓯᓂᕐᒥᒃ, ᐅᐊᔭᒨᖅᑐᒐᓚᖕᓂᒃ ᐱᐅᓯᒋᐊᖅᑎᑦᑎᓂᖅ).

3 - ᐊᔪᕈᓐᓃᖅᓴᓂᕐᒧᑦ ᐱᕙᓪᓕᐊᑎᑦᑎᓂᖅ ᑎᒥᐅᔪᓂᒃ, ᑲᑐᔾᔨᖃᑎᒌᖑᔪᓂᒃ, ᒥᑭᑦᑐᓂᒃ ᐊᒻᒪ ᐊᑯᓐᓂᖅᓱᖅᑐᓂᒃ ᓇᖕᒥᓂᖅ ᐱᓕᕆᕝᕕᐅᔪᓄᑦ (SMEᖑᔪᑦ) ᐊᒻᒪ ᑭᓇᒃᑯᑐᐃᓐᓇᕐᓂᒃ ᐊᑐᕈᓐᓇᕐᓂᐊᕐᒪᑕ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕝᕕᒃᓴᐅᔪᓂᒃ.

ᐊᔪᕈᓐᓃᖅᓴᕐᓂᖅ ᐱᒻᒪᕆᐅᕗᖅ ᓴᓐᖏᔪᒥᒃ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᔪᓕᕆᓂᖃᖁᓪᓗᒋᑦ ᐅᑭᐅᖅᑕᖅᑐᕐᒥ. ᑮᓇᐅᔭᓂᒃ ᐊᑐᕐᓂᒃ ᑕᒪᑐᒪᓂ ᐱᖃᓯᐅᔾᔨᔪᓐᓇᖅᑐᑦ ᐊᑭᓕᖅᓱᖅᑕᐅᔾᔪᑎᖃᖏᑦᑐᑦ ᐱᓕᕆᓂᕐᒧᑦ ᐃᑲᔪᖅᑐᖅᑕᐅᖁᓪᓗᒋᑦ ᐊᐅᓚᔾᔭᒃᑕᐅᒋᐊᕐᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᑕ ᐱᓕᕆᕝᕕᖏᑕ ᓯᓚᑖᓃᑦᑐᑦ, ᑎᒥᐅᔪᑦ ᐱᓕᕆᕝᕕᖁᑎᖏᑦ ᐊᒻᒪ ᐱᓕᕆᕝᕕᐅᔪᑦ ᐃᓕᓐᓂᐊᕐᕕᒐᓚᐅᔪᑦ ᑲᒪᓂᖃᖅᑐᑦ ᐱᓕᒻᒪᒃᓴᐃᓂᕐᒧᑦ ᐊᒻᒪ ᐱᕙᓪᓕᐊᑎᑕᐅᓂᖏᓐᓄᑦ ᑭᓇᒃᑯᑐᐃᓐᓇᐃᑦ ᐊᒻᒪ ᑎᒥᐅᔪᑦ; ᓴᓇᔭᐅᓂᖏᑦ ᐃᓕᓴᕆᔭᐅᔾᔪᑎᑖᕈᓐᓇᕐᓂᓕᕐᒧᑦ ᒪᓕᒐᖏᑦ ᐊᔾᔨᒌᓕᖅᑎᑕᐅᓯᒪᓗᑎᒃ, ᐃᓕᓐᓂᐊᕈᑎᒃᓴᑦ ᐊᒻᒪ ᑎᑎᕋᖅᓯᒪᔪᖁᑎᑦ; ᐃᑲᔪᖅᑐᐃᔾᔪᑎᑦ ᐱᓕᕆᕝᕕᐅᔪᑦ ᑎᒥᖁᑎᖏᓐᓂᒃ ᓴᓐᖓᒃᑎᒋᐊᖁᓪᓗᒋᑦ ᐱᔨᑦᑎᕈᓐᓇᕐᓂᕆᔭᖏᑦ ᐃᓚᒋᔭᐅᔪᖁᑎᖏᓐᓄᑦ (ᐊᓯᐊᒍᑦ ᐊᐅᓚᔾᔪᑎᒃᓴᖏᓐᓄᑦ ᑮᓇᐅᔭᖅᑐᕈᑎᒃᓴᖏᑕ); ᐱᖃᑕᐅᔪᓐᓇᕐᓗᑎᒃ ᒥᑭᑦᑐᓂᒃ ᐊᒻᒪ ᐊᑯᓐᓂᖅᓱᖅᑐᓂᒃ ᐱᔅᓇᓯᐅᔪᓂᒃ, ᓄᓇᓕᖕᓂ ᐊᒻᒪ ᑎᒥᐅᔪᓂ/ᑲᑐᔾᔨᖃᑎᒌᖑᔪᓂ ᐅᖃᐅᔾᔭᐅᒋᐊᕈᓐᓇᕐᓗᑎᒃ ᐃᓕᓐᓂᐊᖅᓯᒪᔪᒧᑦ ᐱᓕᒻᒪᒃᓴᖅᑕᐅᔪᓐᓇᕐᓗᑎᒃ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᓐᓇᓱᐊᖅᑕᖓ ᐱᓪᓗᒍ.

4 - ᑮᓇᐅᔭᓕᐅᕈᑎᖃᕋᓱᐊᕐᓂᖅ ᐊᔾᔨᒋᖏᑦᑐᓂᒃ ᐃᓗᐊᓂ ᐊᒡᒍᖅᑐᖅᓯᒪᓂᐅᔪᑦ ᐊᒻᒪ ᐱᓕᕆᕝᕕᐅᔪᑦ ᐃᔨᒋᓂᖅᓴᐅᓗᑎᒃ ᐱᕙᓪᓕᐊᑎᑦᑎᓂᕐᒥᒃ ᓄᑖᓂᒃ ᐱᓕᕆᕝᕕᐅᔪᓂᒃ, ᓴᓇᔭᐅᔪᓂᒃ, ᐊᒻᒪ ᓂᐅᕐᕈᑎᒃᓴᖃᕐᕕᐅᔪᓂᒃ.

ᑮᓇᐅᔭᖃᖅᑎᑦᑎᓗᑎᒃ ᑕᒪᑐᒥᖓ ᐊᕙᑦᓯᓚᒃᓯᒪᓂᖅᓴᐅᓗᑎᒃ ᐊᒻᒪ ᐱᖃᓯᐅᔾᔨᔪᓐᓇᕐᒥᔪᑦ ᐱᓕᕆᕝᕕᐅᑉ ᐅᐸᓗᖓᐃᔭᐅᑎᒃᓴᖏᓐᓂᒃ ᐊᑐᖅᑕᐅᔪᓐᓇᖅᑐᓂᒃ ᑕᓯᐅᖅᓯᔾᔪᑕᐅᓗᑎᒃ ᑮᓇᐅᔭᖃᖅᑎᑦᑎᓂᕐᒧᑦ; ᐃᑲᔪᖅᑐᐃᓗᑎᒃ ᓴᓇᔭᐅᓂᖏᓐᓄᑦ ᐅᐊᔭᒨᖅᑐᑦ; ᓄᑖᑦ ᓴᓇᔭᐅᓂᖏᓐᓄᑦ ᐱᕙᓪᓕᐊᑎᑦᑎᓂᖅ ᐊᒻᒪ ᓂᐅᕐᕈᑎᖃᕐᓂᖅ; ᐊᒻᒪ ᑮᓇᐅᔭᖃᖅᑎᑦᑎᓂᖅ ᒥᑭᑦᑑᑎᓄᑦ, ᐊᑯᓐᓂᖅᓱᖅᑐᓄᓪᓗ ᓇᖕᒥᓂᕆᔭᐅᔪᓄᑦ ᐃᑲᔪᖅᑕᐅᖁᓪᓗᒋᑦ ᓄᑖᓂᒃ ᓴᓇᓯᒪᔭᖏᓐᓂᒃ ᐊᒻᒪ ᐱᔨᑦᑎᕈᑎᖏᓐᓂᒃ ᓂᐅᕐᕈᑎᖃᕋᓱᐊᕐᓂᕐᒧᑦ ᐃᖏᕐᕋᓂᕆᓂᐊᖅᑕᖏᓐᓂᒃ ᓲᕐᓗ ᓄᓇᓕᖕᓂ ᓯᕗᓂᒃᓴᖃᑦᑎᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕆᓴᐅᔪᑦ.

ᐃᓱᒪᒐᔪᖕᓂᕐᒧᑦ ᐊᒻᒪ ᖃᐅᔨᒪᓂᕐᒧᑦ ᑮᓇᐅᔭᖃᖅᑎᑦᑎᔾᔪᑎᑎᒍᑦ ᑐᓂᓯᕙᒃᐳᑦ $ 2,500,000ᓂᒃ ᐊᑐᓂ ᐅᑭᐅᖅᑕᖅᑐᕐᒥ ᒐᕙᒪᐅᔪᓄᑦ.  ᑮᓇᐅᔭᖃᖅᑎᑦᑎᖃᑦᑕᖅᑐᑦ ᐊᑐᕐᖢᑎᒃ ᐃᓱᒪᒐᔪᖕᓂᕐᒧᑦ ᐊᒻᒪ ᖃᐅᔨᒪᓂᕐᒧᑦ ᑮᓇᐅᔭᖁᑎᒋᔭᐅᔪᓂᑦ ᐃᑲᔪᖅᑐᐃᖁᓪᓗᒋᑦ ᐅᑭᐅᖅᑕᖅᑐᕐᒥᐅᑕᐅᔪᓂᒃ ᐃᓚᐅᓂᐊᕐᒪᑕ ᐊᒻᒪ ᐃᑲᔪᖅᑐᖅᑕᐅᓂᐊᕐᒪᑕ ᐃᓱᒪᒐᔪᖕᓂᒃᑯᑦ, ᖃᐅᔨᒪᓂᒃᑯᑦ, ᐊᒻᒪ ᖃᐅᔨᒪᓂᒃᑯᑦ ᑐᓐᖓᕕᖃᕐᓗᑎᒃ ᑮᓇᐅᔭᓕᐅᕋᓱᐊᕈᑎᐅᔪᑦ.  ᓯᕗᓪᓕᐅᔾᔭᐅᓯᒪᔪᑦ ᑲᔪᓯᔪᑦ ᐃᑲᔪᖅᑐᖅᑕᐅᖁᓪᓗᒋᑦ ᐅᑭᐅᖅᑕᖅᑐᕐᒥᐅᑦ ᑎᒍᓯᓇᓱᐊᖅᑎᓪᓗᒋᑦ ᐱᕝᕕᒃᓴᖏᓐᓂᒃ ᐱᓕᕆᔪᓐᓇᖅᑕᖏᓐᓄᑦ ᓄᑖᓂ ᑮᓇᐅᔭᓕᐅᕋᓱᐊᕈᑕᐅᔪᓐᓇᖅᑐᓂ, ᐊᒻᒪ ᓯᕗᒧᐊᒃᑎᑕᐅᖁᓪᓗᒋᑦ ᖃᐅᔨᓴᖏᐅᓂᖅ ᐊᒻᒪ ᐅᐊᔭᒨᖅᑐᒐᓚᐃᑦ.  ᑕᐃᒃᑯᐊ ᐱᓕᕆᔭᐅᔪᒪᔪᑦ ᐱᖃᑕᐅᔪᓐᓇᖅᑐᑦ ᐅᑯᓂᖓ ᐱᖃᓯᐅᔾᔨᕗᑦ ᖃᐅᔨᓴᐃᓂᕐᒧᑦ ᐊᒻᒪ ᑐᓴᕋᓱᐊᕐᓂᕐᒧᑦ ᐱᓕᕆᐊᑦ, ᐊᒻᒪᓗ ᑕᐃᒃᑯᐊ ᓴᓇᔭᐅᓯᒪᔪᑦ ᐃᓱᒪᒐᔪᒃᑑᓪᓗᑎᒃ ᐅᕝᕙᓘᓐᓃᑦ ᐊᔪᕈᓐᓃᖅᓴᕈᑕᐅᖁᓪᓗᒋᑦ ᑭᓇᒃᑯᑐᐃᓐᓇᕐᓄᑦ ᐊᒻᒪ ᑎᒥᐅᔪᓄᑦ.

ᐅᐸᓗᖓᐃᔭᐃᔾᔪᑎᑦ ᑮᓇᐅᔭᖃᖅᑎᑦᑎᓂᖅ ᐅᑭᐅᖅᑕᖅᑐᕐᒥ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᐅᔪᑦ SINED, ᐃᓱᒪᒐᔪᖕᓂᕐᒧᑦ ᐊᒻᒪ ᖃᐅᔨᒪᓂᕐᒧᑦ ᑮᓇᐅᔭᖁᑎᒋᔭᖏᑦ ᐅᓄᖅᓯᒋᐊᖅᑕᐅᓯᒪᓕᖅᑐᑦ ᐱᔭᐅᔪᒃᓴᑦ $500,000ᓄᑦ ᐊᑐᓂ ᐅᑭᐅᖅᑕᖅᑐᕐᒥ ᒐᕙᒪᐅᔪᓄᑦ, ᐊᕐᕌᒍᑕᒫᓐ.  ᐃᓗᐊᓂ ᓄᑖᕈᕆᐊᖅᑕᐅᓯᒪᔪᑦ ᑮᓇᐅᔭᖃᖅᑎᑦᑎᓂᕐᒧᑦ ᐸᕐᓇᐅᑎᖓᓐᓂ ᐃᓱᒪᒐᔪᖕᓂᕐᒧᑦ ᐊᒻᒪ ᖃᐅᔨᒪᓂᕐᒧᑦ ᑮᓇᐅᔭᖁᑎᖏᓐᓂᑦ ᑕᑯᒃᓴᐅᑎᑦᑎᓯᒪᔪᑦ ᐱᐅᓂᖅᓴᒥᒃ ᖃᐅᔨᒪᓇᕐᓂᖅᓴᒥᒃ ᐸᕐᓇᐅᑎᒋᔭᐅᔪᓂᒃ ᐊᑭᓕᐅᑕᐅᓂᐊᖅᑐᓂᒃᐅᐸᓗᖓᐃᔭᐃᓂᕐᒧᑦ ᑮᓇᐅᔭᖃᖅᑎᑦᑎᓂᖅ ᐅᑭᐅᖅᑕᖅᑐᕐᒥ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᐅᔪᑎᒍᑦ, ᑖᒃᑯᐊ ᑮᓇᐅᔭᐃᑦ ᐱᔭᐅᔪᒃᓴᑦ ᑐᕌᖓᖏᒃᑲᓗᐊᖅᑎᓪᓗᒋᑦ ᓇᓗᓇᐃᖅᑕᐅᓯᒪᔪᒧᑦ ᐱᓕᕆᕝᕕᐅᔪᒧᑦ.  ᑖᒃᑯᐊ  ᑮᓇᐅᔭᖁᑎᒋᔭᐅᔪᑦ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᐊᓯᖏᓐᓂᒃ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖑᔪᓂᒃ ᐃᑲᔪᖅᑐᐃᖁᓪᓗᒋᑦ ᐱᔭᕇᖅᓯᓇᓱᐊᖅᑎᓪᓗᒋᑦ ᐊᒡᒍᖅᑐᖅᓯᒪᓂᓕᕐᒥ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑐᕌᒐᒃᓴᖏᓐᓂᒃ.  ᑭᐅᓂᐊᕆᓪᓗᑎᒡᓗ ᑕᒪᒃᑯᓂᖓ ᐱᑕᖃᖏᓐᓂᐅᔪᓂᒃ ᑭᒡᒍᓯᒃᓴᓄᑦ ᑭᓐᖒᒪᔭᐅᔪᓄᑦ, ᖃᐅᔨᓴᐃᓗᑎᒃ ᐃᓱᒪᒐᔪᒡᓗᑎᒃ ᐱᐅᓯᐅᔪᓂᒃ ᐊᒻᒪ ᑭᐅᕙᒡᓗᑎᒃ ᓴᖅᑭᑉᐸᓪᓕᐊᔪᓄᑦ ᐱᕝᕕᒃᓴᐅᔪᓄᑦ.

ᑕᐱᕇᖕᓂᒃᑯᑦ ᐊᒻᒪ ᐅᖃᐅᔾᔨᒋᐊᕆᔨᑦ ᑲᑎᒪᓂᖏᑦ ᑮᓇᐅᔭᖃᖅᑎᑕᐅᔪᑦ $100,000 ᐊᑐᓂ ᐅᑭᐅᖅᑕᖅᑐᕐᒥ ᒐᕙᒪᐅᔪᑦ, ᐊᕐᕌᖑᑕᒫᓐ, ᑭᖑᓂᑦᑎᓐᓂ ᓄᓇᑦᑎᐊᕐᒥᐅᓄᑦ ᑭᓯᐊᓂ ᑐᓂᔭᐅᕙᓚᐅᖅᑐᖅ ᒫᓐᓇᓕ ᐊᑐᓂ ᐅᑭᐅᖅᑕᖅᑐᕐᒥ ᒐᕙᒪᐅᔪᓄᑦ ᑐᓂᔭᐅᕙᓕᖅᑐᑦ, ᑲᑎᓪᓗᒋᑦ ᐅᓄᕐᓂᖃᖅᑐᑦ $500,000 ᐊᑐᓂ ᐅᑭᐅᖅᑕᖅᑐᕐᒥ ᒐᕙᒪᕆᔭᐅᔪᑦ ᐱᓂᐊᖅᑎᓪᓗᒋᑦ ᐊᕐᕌᒍᓄᑦ ᑕᓪᓕᒪᓄᑦ.

ᑕᐱᕆᖕᓂᒃᑯᑦ ᐊᒻᒪ ᐅᖃᐅᔾᔨᒋᐊᖅᕆᓂᕐᒧᑦ ᑲᑎᒪᓂᐅᔪᑦ ᐅᓄᖅᓯᒋᐊᖅᑎᑦᑎᓂᐊᖅᑐᑦ ᐅᖃᐅᓯᖃᕐᓂᕐᒥᒃ ᐅᑭᐅᖅᑕᖅᑐᕐᒥ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᔾᔪᑕᐅᔪᓂᒃ ᐊᒻᒪ ᐃᑲᔪᖅᓯᓂᐊᖅᑐᑦ ᐊᔪᕈᓐᓃᖅᐹᓪᓕᖁᓪᓗᒋᑦ ᐱᔨᑦᑎᕋᕈᑎᖃᖅᑎᓪᓗᒋᑦ ᐱᓕᕆᐊᒃᓴᓂᒃ ᐅᑭᐅᖅᑕᖅᑐᕐᒥ.  ᑮᓇᐅᔭᖅᑐᕈᑎᒃᓴᐃᑦ ᐃᑲᔪᖅᓯᓂᐊᕐᒥᔪᑦ ᐅᓄᖅᓯᒋᐊᖅᑕᐅᓂᖏᓐᓂᒃ ᖃᐅᔨᒪᓂᕆᔭᐅᔪᑦ, ᐱᓕᕆᔪᓐᓇᕐᓂᕆᔭᐅᔪᑦ ᐊᒻᒪ ᑐᑭᓯᒪᓂᕆᔭᐅᔪᑦ ᐊᒃᑐᐊᓂᖃᖅᑐᑦ ᐱᓕᕆᐊᒃᓴᖏᓐᓄᑦ ᐊᒻᒪ ᑲᒪᒋᔭᒃᓴᖏᓐᓄᑦ ᐊᔾᔨᒌᖏᑦᑐᑦ ᐱᓕᕆᖃᑕᐅᔪᑦ ᐃᓗᐊᓂ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᖅ ᐅᑭᐅᖅᑕᖅᑐᕐᒥᐅᑦ ᒐᕙᒪᖏᓐᓂ.  ᑕᐱᕇᖕᓂᒃᑯᑦ ᐊᒻᒪ ᐅᖃᐅᔾᔨᒋᐊᕆᓂᒃᑯᑦ ᑲᑎᒪᓂᐅᔪᑦ ᐱᖃᓯᐅᔾᔨᓯᒪᖏᑦᑐᑦ ᐊᑐᓂ ᐅᑭᐅᖅᑕᖅᑐᕐᒥ ᒐᕙᒪᐅᔪᑦ ᑮᓇᐅᔭᖃᖅᑎᑦᑎᓂᕐᒧᑦ ᐸᕐᓇᐅᑎᖏᓐᓂᒃ, ᓲᕐᓗ ᐱᓕᕆᐊᑦ ᐱᔨᑦᑎᕋᕈᑕᐅᓂᖏᓐᓄᑦ ᐋᖅᑭᒡᓱᖅᓯᒪᓂᖏᓐᓄᑦ ᐊᒻᒪ ᒪᓕᒐᖏᑦ ᓴᓇᔭᐅᓂᐊᖅᑐᑦ ᐃᓛᒃᑯᖓᓗᑎᒃ ᑮᓇᐅᔭᖃᖅᑎᑦᑎᓂᕐᒧᑦ ᐸᕐᓇᐅᑎᖏᓐᓂᑦ.

ᐅᑭᐅᖅᑕᖅᑐᕐᒥᐅᑦ ᒐᕙᒪᖏᓐᓄᑦ ᑮᓇᐅᔭᖃᖅᑎᑦᑎᓂᐊᖅᑐᑦ $5ᒥᓕᐊᓐᓂᒃ ᐊᕐᕌᒍᑦ ᑕᓪᓕᒪᑦ ᐃᓗᐊᓂ ($1.25 ᒥᓕᐊᓐ ᐊᕐᕌᒍᑕᒫᓐ ᑐᓂᔭᐅᖃᑦᑕᕐᓗᑎᒃ ᐊᕐᕌᒍᖓᓂ ᑐᒡᓕᐊᓂᑦ ᑎᑭᓪᓗᒍ ᑕᓪᓕᒪᖓᑦ) ᓴᓇᔭᐅᓯᒪᔪᑦ ᐊᑖᒍᑦ ᓄᑖᕈᕆᐊᖅᑕᐅᓯᒪᔪᑦ ᐅᐸᓗᖓᐃᔭᐃᓂᕐᒧᑦ ᑮᓇᐅᔭᖃᖅᑎᑦᑎᓂᖅ ᐅᑭᐅᖅᑕᖅᑐᕐᒥ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᐅᔪᑦ. ᐅᑭᐅᖅᑕᖅᑐᕐᒥᐅᑦ ᒐᕙᒪᖏᓐᓄᑦ ᑮᓇᐅᔭᖃᖅᑎᑦᑎᔾᔪᑎᑦ ᐊᑐᖅᑕᐅᓂᐊᖅᑐᑦ ᐱᓕᕆᐊᓄᑦ ᐱᖃᓯᐅᔾᔨᓯᒪᔪᓄᑦ ᐊᑕᐅᓯᐅᖏᑦᑐᓄᑦ ᒐᕙᒪᐅᔪᓄᑦ ᐅᑭᐅᖅᑕᖅᑐᕐᒥ ᐅᕝᕙᓘᓐᓃᑦ ᐊᑕᐅᓯᕐᒧᑦ ᐊᒻᒪ ᐊᑕᐅᓯᕐᒧᑦ ᐅᓄᕐᓂᖅᓴᓄᓪᓘᓐᓃᑦ ᑲᓇᑕᐅᑉ ᐊᒡᒍᖅᑐᖅᓯᒪᓂᖏᓐᓄᑦ. ᐱᓕᕆᐊᓄᑦ ᐱᖃᓯᐅᔾᔨᓯᒪᔪᓄᑦ ᓯᓚᑖᓂ ᐅᑭᐅᖅᑕᖅᑐᕐᒥᐅᑦ, ᐅᐸᓗᖓᐃᔭᐃᓂᕐᒧᑦ ᑮᓇᐅᔭᖃᖅᑎᑦᑎᓂᖅ ᐅᑭᐅᖅᑕᖅᑐᕐᒥ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᐅᔪᑎᒍᑦ ᑮᓇᐅᔭᖃᖅᑎᑦᓯᓂᐊᖅᑐᑦ ᑭᓯᐊᓂ ᑕᒪᒃᑯᓄᖓ ᐱᓕᕆᐊᓄᑦ ᐊᒃᑐᐊᓂᖃᖅᑐᓄᑦ ᐃᓗᐊᓂᓪ ᐱᖓᓱᑦ ᐅᑭᐅᖅᑕᖅᑐᕐᒥ ᒐᕙᒪᐅᔪᓄᑦ. ᐊᓯᖏᑦ ᑲᓇᑕᐅᑉ ᒐᕙᒪᒃᑯᖏᑕ ᑮᓇᐅᔭᖃᖅᑎᑦᑎᖃᑎᒋᔭᖏᑦ ᓲᕐᓗ ᑲᓇᑕᐅᑉ ᒐᕙᒪᒃᑯᖏᓐᓂ ᐊᒡᒍᖅᑐᖅᓯᒪᓂᕐᒥ ᐱᕙᓪᓕᐊᔪᓕᕆᔨᐅᔪᑦ ᑎᓕᔭᐅᓂᐊᖅᑐᑦ ᑮᓇᐅᔭᖃᖅᑎᑦᑎᖁᓪᓗᒋᑦ ᐱᓕᕆᐊᓂᒃ ᐊᑕᖏᓪᓗᒋᑦ ᓯᓚᑖᓂ ᐅᑭᐅᖅᑕᖅᑐᕐᒥᐅᑦ. ᐱᔾᔪᑎᒋᓪᓗᒍ ᐅᑭᐅᖅᑕᖅᑐᕐᒥᐅᓄᑦ ᑐᕌᖓᓂᖓᓂᒃ, ᑮᓇᐅᔭᐃᑦ ᐱᖃᓯᐅᔾᔨᓯᒪᖏᑦᑐᑦ ᐊᑐᓂ ᐅᑭᐅᖅᑕᖅᑐᕐᒥ ᒐᕙᒪᐅᔪᑦ ᑮᓇᐅᔭᖃᖅᑎᑦᑎᓂᕐᒧᑦ ᐸᕐᓇᐅᑎᐅᔪᓂᒃ; ᓲᕐᓗ ᐱᓕᕆᐊᑦ ᐱᔨᑦᑎᕈᑕᐅᓂᖏᑕ ᐋᖅᑭᒡᓱᖅᓯᒪᓂᖏᓐᓄᑦ ᐊᒻᒪ ᒪᓕᒐᖏᑦ ᓴᓇᔭᐅᓂᐊᖅᑐᑦ ᐃᓛᒃᑰᖓᓗᑎᒃ ᐅᑯᐊ ᑮᓇᐅᔭᖃᖅᑎᑦᑎᓂᕐᒧᑦ ᐸᕐᓇᐅᑎᑦ.

ᔫᑳᓐᒥᐅᑦ, ᐅᐃᑦᕼᐅᔅ
Second Floor, Hougen Centre
305 Main Street
Whitehorse, Yukon

Mailing Address:
Suite 415c - 300 Main St
Whitehorse, Yukon
Y1A 2B5
Tel: 867-667-3263
Fax: 867-667-3801
Email: Ytinfo@cannor.gc.ca

ᓄᓇᑦᑎᐊᕐᒥᐅᑦ, ᔭᓗᓇᐃᕝ
PO Box 1500
Yellowknife, NWT
X1A 2R3
Tel: (867) 766-8327
Fax: 867-766-8401
Email: EcDevNWT@cannor.gc.ca

ᓄᓇᕗᒥᐅᑦ, ᐃᖃᓗᐃᑦ
2nd Floor, Inuksugait Plaza, Building 1104B
P.O. Box 40
Iqaluit, NU
X0A 0H0
Tel: 867-975-3734
Fax: 867-975-3740
Email: ecdevnunavut@cannor.gc.ca