ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᒋᔭᐅᔪᑦ (CAF) ᐅᑭᐅᖅᑕᖅᑐᕐᒥ

ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᒋᔭᐅᔪᑦ (CAF) ᐊᕐᕌᒎᖕᓄᑦ ᒪᕐᕉᖕᓄᑦ ᑲᓇᑕᓕᒫᒧᑦ ᑐᕌᖓᓪᓗᓂ ᐱᓕᕆᐊᖑᔪᖅ ᓴᖅᑭᑕᐅᓯᒪᓪᓗᓂ ᑮᓇᐅᔭᖅᑐᕈᑎᒃᓴᓄᑦ ᐊᑐᕈᒫᖅᑐᑎᒍᑦ 2009ᒥ, ᑲᓇᑕᐅᑉ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐊᐅᓚᔾᔭᐃᒋᐊᕐᓂᕐᒧᑦ ᐸᕐᓇᐅᑎᖏᑦ.  ᑐᕌᒐᖃᖅᑐᑦ ᐱᑕᖃᖅᑎᑦᑎᖁᓪᓗᒋᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐊᐅᓚᔾᔭᐃᒋᐊᕐᓂᕐᒥᒃ ᓴᖅᑭᑦᑎᖁᓪᓗᒋᑦ ᐅᕝᕙᓗ ᐱᑕᖃᓕᖅᑎᑦᑎᖁᓪᓗᒋᑦ ᐃᖅᑲᓇᐃᔭᒐᒃᓴᓂᒃ ᓄᓇᓕᖕᓂ ᖃᓂᒋᔭᖏᓐᓂᓗ ᐊᒃᑐᖅᑕᐅᓯᒪᔪᓄᑦ ᓄᓇᕐᔪᐊᕐᒥ ᑮᓇᐅᔭᐃᑦ ᓴᓐᖐᓕᓂᖏᓐᓄᑦ, ᐊᒻᒪ ᑲᔪᖏᖅᓴᐅᑎᖃᖁᓪᓗᒋᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒥᒃ ᐊᔾᔨᒌᖏᑦᑐᓂᑦ ᓄᓇᓕᐅᔪᑦ ᐃᓗᐊᓂ.

ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᒋᔭᐅᔪᑦ (CAF) ᐱᔨᑦᓯᖅᑕᐅᕗᑦ CanNorᑯᓐᓄᑦ ᐱᖓᓱᓂ ᐅᑭᐅᖅᑕᖅᑐᕐᒥᐅᑦ ᐊᒡᒍᖅᑐᖅᓯᒪᓂᖏᑕ ᒐᕙᒪᖏᓐᓂ.

ᖃᓄᑎᒋᓕ $ 1 ᐱᓕᐊᓐᑖᓚᓂᑦ ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᒋᔭᓂᑦ ᐊᑐᐃᓐᓇᐅᑎᑦᑎᓂᐊᖅᐸᑦ ᐅᑭᐅᖅᑕᖅᑐᕐᒥᐅᓄᑦ?

ᑎᑎᕋᕐᕕᖁᑎᒋᔭᐅᔪᖅ ᑐᓂᔭᐅᓯᒪᓕᖅᑐᖅ $32.8 ᒥᓕᐊᓐᓂᒃ ᐊᕐᕌᒎᖕᓄᑦ ᒪᕐᕉᖕᓄᑦ ᐊᓂᒍᖅᑑᖕᓄᑦ ᐅᑭᐅᖅᑕᖅᑐᕐᒥᐅᓄᑦ ᑐᕌᖓᔪᓂᒃ.  

ᑭᓇᒃᑯᓪᓕ ᐱᓇᓱᒍᓐᓇᖅᐸᑦ ᑖᒃᑯᓇᓐᖓᑦ ᓄᓇᓕᖕᓂ ᐋᖅᑭᒋᐊᕿᓂᕐᒧᑦ ᑮᓇᐅᔭᖁᑎᖏᓐᓂᑦ?

ᐱᖃᑕᐅᔪᓐᓇᖅᑐᑦ ᐅᑯᐊᖑᕗᑦ: ᑎᒥᐅᔪᑦ ᐱᖃᓯᐅᑎᓪᓗᒋᑦ ᐃᓅᓯᓕᕆᓂᕐᒧᑦ ᐱᓕᕆᐊᖃᖅᑐᑦ; ᑭᓇᒃᑯᑐᐃᓐᓇᐃᑦ; ᐊᔾᔨᒌᖏᑦᑐᓪᓗ ᒐᕙᒪᐅᔪᑦ ᐊᒻᒪ ᐊᓯᖏᑦ ᑲᓇᑕᐅᑉ ᒐᕙᒪᒃᑯᖏᑕ ᑎᒥᖁᑎᒋᓐᖏᑕᖏᑦ, ᑭᓇᒃᑯᑐᐃᓐᓇᐃᑦ ᐅᕝᕙᓗ ᓇᒥᓂᖁᑎᒋᔭᐅᔪᑦ, ᐱᔪᒪᓂᖃᖅᑐᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐅᑭᐅᖅᑕᖅᑐᕐᒥ.

ᐃᑲᔪᖅᑐᐃᔾᔪᑎᑦ ᑮᓇᐅᔭᑎᒍᑦ ᑕᒪᒃᑯᓄᖓ ᑮᓇᐅᔭᓕᐅᕋᓱᐊᖅᑎᐅᔪᓄᑦ ᑎᒥᐅᔪᓄᑦ ᑐᓂᔭᐅᔪᓐᓇᕐᒥᔪᑦ ᑭᓯᐊᓂ ᐅᑎᖅᑎᑕᐅᔭᕆᐊᖃᕐᓂᐊᕐᓗᑎᒃ.

ᖃᓄᐃᑦᑐᑦ ᐱᓕᕆᐊᖑᔪᑦ ᐱᖃᑕᐅᔪᓐᓇᖅᐸᑦ ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᒋᔭᐅᔪᓂᑦ?

ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᒋᔭᐅᔪᑦ ᑮᓇᐅᔭᖃᖅᑎᑦᑎᓂᖏᑦ ᐅᑭᐅᖅᑕᖅᑐᕐᒥ ᐃᔨᒋᓂᖅᓴᐅᕗᑦ ᑎᓴᒪᐅᓕᖅᑲᖓᔪᓂᒃ ᑕᐃᒎᓯᐅᔪᓂᒃ:

• ᑮᓇᐅᔭᓕᐅᕈᑎᖃᕋᓱᐊᕐᓂᖅ ᐊᔾᔨᒌᖏᑦᑐᓂᒃ
• ᐊᔪᕈᓐᓃᖅᓴᐃᓂᕐᒧᑦ ᐱᕙᓪᓕᐊᑎᑦᑎᓂᖅ
• ᐱᐅᓯᒋᐊᖅᑎᑦᑎᓂᖅ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᖁᑎᕐᔪᐊᖑᔪᑦ ᑐᓐᖓᕕᖏᓐᓂᒃ
• ᐱᕈᖅᓴᐃᓂᖅ ᖃᐅᔨᒪᓂᕆᔭᐅᔪᓄᑦ ᓄᐊᑦᑎᕕᖕᒧᑦ

ᑮᓇᐅᔭᖃᖅᑎᑕᐅᓂᐊᕐᓗᓂ ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᖏᓐᓂᑦ, ᐱᓕᕆᐊᖑᔪᖅ ᐃᒪᐃᑦᑕᕆᐊᖃᖅᑐᖅ:

• ᐱᒋᐊᖅᓵᓕᔪᓐᓇᕐᓗᓂ ᐱᓕᕆᐊᖓ;
• ᐱᔭᕇᖅᑕᐅᓯᒪᔭᕆᐊᖃᕐᓗᓂ ᑎᑭᓚᐅᖏᓐᓂᖓᓂ ᒫᔾᔨ 31, 2011 ᐃᑲᔪᖅᑕᐅᒃᑲᓐᓂᕆᐊᖃᖏᓪᓗᓂ ᑲᔪᓯᔪᒃᑯᑦ ᑭᖑᕐᖓᒍᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ;
• ᐃᑲᔪᖅᑐᐃᓂᖃᕐᓗᓂ ᐅᑭᐅᖅᑕᖅᑐᕐᒥᐅᑦ ᓄᓇᓕᖏᓐᓄᑦ ᐊᒃᑐᖅᑕᐅᓯᒪᔪᓄᑦ ᓄᓇᕐᔪᐊᕐᒥ ᑮᓇᐅᔭᐃᑦ ᓴᓐᖐᓕᓂᖏᓐᓄᑦ (ᐊᒃᑐᖅᑕᐅᓯᒪᔪᓄᑦ ᐃᖅᑲᓇᐃᔮᒥᖏᖕᓂᒃ ᐊᓯᐅᔨᓯᒪᔪᓄᑦ ᐅᓄᑲᓪᓚᒃᑐᓄᑦ, ᐱᑕᖃᓐᖏᑎᓪᓗᒋᑦ ᐊᓯᖏᓐᓂᒃ ᐃᖅᑲᓇᐃᔭᒐᒃᓴᓂᒃ); ᐊᒻᒪᓗ
• ᐱᕈᖅᐸᓪᓕᐊᓗᓂ (ᑭᖑᕝᕕᖅᑕᐅᔭᕆᐊᖃᖏᓪᓗᑎᒃ ᑮᓇᐅᔭᖃᖅᑎᑦᑎᔾᔪᑕᐅᔪᑦ ᐊᑐᐃᓐᓇᐅᔪᑦ)

ᓯᕗᓪᓕᐅᔾᔭᐅᓂᐊᖅᑐᑦ ᐱᖃᑕᐅᔪᓐᓇᖅᑐᑦ ᐱᓕᕆᐊᑦ ᐃᒪᐃᓕᖓᔪᑦ:

• ᐃᖅᑲᓇᐃᔮᒃᓴᓂᒃ ᓴᖅᑭᑦᑎᓗᑎᒃ ᐅᕝᕙᓗ ᐃᖅᑲᓇᐃᓐᓇᖅᑎᓪᓗᒋᑦ ᐊᕐᕌᒍᖓᓂ  2009 ᐅᕝᕙᓗ 2010
• ᓴᖅᑭᑦᑎᓗᑎᒃ ᐃᓱᓕᕝᕕᒃᓴᖃᖅᑐᒥᒃ ᐃᖅᑲᓇᐃᔭᖅᑎᓪᓗᒋᑦ ᒪᓕᒡᓗᒋᑦ ᑮᓇᐅᔭᖁᑎᖏᑦ ᑲᓇᑕᐅᑉ ᒐᕙᒪᒃᑯᖏᑕ ᐊᑭᓕᐅᑕᐅᔪᒃᓴᑦ
• ᐱᓗᑎᒃ ᑮᓇᐅᔭᓂᒃ ᐅᑭᐅᖅᑕᖅᑐᕐᒥᐅᑦ ᒐᕙᒪᖏᓐᓂᑦ ᐅᕝᕙᓗ ᐊᓯᖏᓐᓂᑦ ᑮᓇᐅᔭᖃᖅᑎᑦᑎᖃᑕᐅᔪᓂᑦ;
• ᐱᕙᓪᓕᐊᓗᑎᒃ ᐱᓕᕆᖃᑎᒌᖕᓂᖏᓐᓄᑦ ᐋᖅᑭᒡᓯᒪᓕᕇᖅᑐᓂᓕᒃ ᐊᑐᕐᓗᑎᒃ (ᓱᕐᓗ ᑲᓇᑕᐅᑉ ᒐᕙᒪᒃᑯᖏᑦ ᐅᑭᐅᖅᑕᖅᑐᕐᒥᓗ ᒐᕙᒪᖏᓐᓄᑦ ᐊᖏᖃᑎᒌᒍᑎᑦ) ᐅᕝᕙᓗ ᐱᑕᖃᓕᕇᖅᑐᑦ ᐱᓕᕆᐊᖑᔪᑦ; ᐊᒻᒪᓗ
• ᓯᕕᑐᔪᒧᑦ ᑮᓇᐅᔭᓕᐅᕈᑎᒃᓴᓂᒃ ᕿᒪᐃᓗᑎᒃ ᐊᒻᒪᓗ ᐊᕙᑎᒥᓐᖔᖅᑐᒥᑦ ᐃᑲᔪᕈᓯᐊᖑᔪᑦ.

ᐱᓕᕆᐊᒃᓴᐅᔪᑦ ᐃᑲᔪᖅᑐᖅᑕᐅᔪᓐᓇᖏᑦᑐᑦ ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖁᑎᒋᔭᐅᔪᓂᑦ ᐅᑯᐊ:

• ᐃᑲᔪᖅᓯᔾᔪᑎᑦ ᐃᖅᑲᓇᐃᔭᖅᑎᓄᑦ;
• ᐊᐅᓚᑦᑎᔾᔪᑎᒃᓴᓄᑦ ᑮᓇᐅᔭᑎᒍᑦ ᑎᒥᐅᔪᑦ;
• ᐱᓕᕆᐊᒃᓴᑦ ᑮᓇᐅᔭᖃᖅᑎᑕᐅᔪᓐᓇᖅᑐᑦ ᐊᓯᐊᒍᑦ ᑲᓇᑕᐅᑉ ᒐᕙᒪᒃᑯᖏᑕ ᐱᓕᕆᐊᖑᖅᑎᓯᒪᔭᖏᑎᒍᑦ;
• ᑮᓇᐅᔭᖃᖅᑎᑦᓯᓂᖅ ᓂᕿᓕᕆᕕᖕᓄᑦ ᐊᔪᕈᓐᓃᖅᓴᐃᓂᕐᒧᑦ; ᐊᒻᒪᓗ
• ᐱᓕᕆᐊᒃᓴᑦ ᐱᓕᕆᐊᕆᔭᐅᔪᑦ ᓇᖕᒥᓂᕆᔭᐅᔪᒧᑦ ᑮᓇᐅᔭᓕᐅᕋᓱᐊᖏᑦᑐᒧᑦ ᑎᒥᐅᔪᒧᑦ ᒪᓕᒃᓯᓯᒪᖏᑦᑐᓂᒃ ᑲᓇᑕᒥ ᐊᒥᐊᓕᒃᑲᓂᓗ ᐊᕿᓐᓂᖅᓴᓄᑦ ᕿᔪᖕᓄᑦ ᐊᖏᖃᑎᒌᒍᑎᓂᒃ.

ᖃᓄᕐᓕ ᑐᒃᓯᕋᐅᑎᓕᐅᕈᓐᓇᖅᐳᖓ?

ᑕᐃᒪᓕ ᑐᓂᓯᔪᒪᒍᕕᑦ ᑐᒃᓯᕋᐅᑎᒥᒃ, ᑐᓴᖅᑎᑦᑐᓐᓇᖅᑕᑎᑦ CanNorᑯᑦ ᑎᑎᕋᕐᕕᖓᑦ ᓄᓇᒋᔭᑦᓯ ᒐᕙᒪᖏᓐᓂᑦ ᐱᔪᒪᓗᑎᑦ ᑐᒃᓯᕋᐅᑎᓄᑦ ᑕᑕᑎᕆᐊᓕᖕᓂᒃ.

ᑐᓴᕆᐊᒃᑲᓐᓂᕈᒪᒍᕕᑦ ᐅᑯᐊ ᑐᓴᕆᐊᕐᕕᒃᓴᑦ:

ᔫᑳᓐᒥᐅᑦ, ᐅᐃᑦᕼᐅᔅ
Second Floor, Hougen Centre
305 Main Street
Whitehorse, Yukon

Mailing Address:
Suite 415c - 300 Main St
Whitehorse, Yukon
Y1A 2B5
Tel: 867-667-3263
Fax: 867-667-3801
Email: Ytinfo@cannor.gc.ca

ᓄᓇᑦᑎᐊᕐᒥᐅᑦ, ᔭᓗᓇᐃᕝ
PO Box 1500
Yellowknife, NWT
X1A 2R3
Tel: (867) 766-8327
Fax: 867-766-8401
Email: altaf.lakhani@cannor.gc.ca

ᓄᓇᕗᒥᐅᑦ, ᐃᖃᓗᐃᑦ
2nd Floor, Inuksugait Plaza, Building 1104B
P.O. Box 40
Iqaluit, NU
X0A 0H0
Tel: 867-975-3734
Fax: 867-975-3740
Email: ecdevnunavut@cannor.gc.ca