ᐃᓄᓕᕆᔨᑐᖃᒃᑯᑦ ᑲᓇᑕᒥ ᓄᓇᕗᒻᒥ ᐊᒡᓚᒡᕕᐊ

ᐅᑭᐅᖅᑕᖅᑐᒥ, ᐱᖑᐊᕐᕕᖕᓂ ᐱᖁᑎᕐᓕᐅᕈᑎᑦ ᑲᓇᑕᒥ RInC−ᖑᓂᕋᖅᑕᐅᔪᑦ ᓇᐃᓇᖅᑕᐅᓪᓗᑎᒃ ᐊᐅᓚᑕᐅᕗᑦ ᓄᑖᓂᒃ ᓴᕿᑎᑕᐅᕋᑖᖅᓯᒪᔪᓂᒃ ᑲᓇᑕᒥ ᐅᑭᐅᖅᑕᖅᑐᒥ ᑮᓇᐅᔭᓕᐅᓂᕐᒧᑦ ᐱᕙᓪᓕᐊᔪᓕᕆᕝᕕᖕᒧᑦ Canadian Northern Economic Development Agency (CanNor) ᑰᓐᓄᐊᑯᓐᓄᑦ.

ᑮᓇᐅᔭᐃᑦ $1.7 ᒥᓕᔭᓐᖑᔪᑦ ᓴᓂᕐᕙᖅᑕᐅᓚᐅᖅᑐᑦ ᐱᖓᓱᓂᒃ ᐅᑭᐅᖅᑕᖅᑐᒥ ᒐᕙᒪᐅᔪᓂ ᐱᖑᐊᕐᕕᓕᐅᕈᑎᒃᓴᓂᒃ ᓴᓇᔭᐅᔪᓄᑦ.

ᓯᑕᒪᐃᑦ ᓄᓇᕗᒻᒥ ᓄᓇᓖᑦ ᑐᓂᔭᐅᓚᐅᖅᑐᑦ 567,000−ᓂᒃ ᐱᖑᐊᕐᕕᓕᐅᕈᑎᒃᓴᓄᑦ ᑮᓇᐅᔭᓂᒃ ᐃᑲᔫᑕᐅᓪᓗᑎᒃ ᐃᒡᓗᕐᔪᐊᕐᓂᒃ ᐱᐅᓯᒋᐊᕈᑎᒃᓴᓂᒃ. ᑐᒃᓯᕋᐅᑏᑦ ᐱᔪᒪᔭᐅᓚᐅᖅᑐᑦ ᒪᑐᐃᖅᑕᐅᓪᓗᑎᒃ ᐆᒃᑐᖅᑎᑦᑎᔪᑦ ᒪᑐᔭᐅᓚᐅᖅᑐᓂᒃ ᔫᓐ 15, 2009−ᒥ.

ᐃᒡᓗᓕᒐᕐᔪᖕᒥ - ᓴᓇᒋᐊᖅᑕᐅᔪᖅ ᓄᓇᓕᖕᓂ ᐱᖑᐊᕐᕕᐊ
ᐊᑭᓕᖃᖅᑐᖅ ᑲᑎᓪᓗᒋᓐ: $300,000
($150,000 ᑐᓂᔭᐅᔪᑦ ᐊᑐᓂ ᑲᓇᑕᐅᑉ ᒐᕙᒪᒃᑯᓐᓂᒃ ᐊᒻᒪᓗ ᓄᓇᕗᒻᒥᒃ)

ᐃᒡᓗᓕᕐᔪᖕᒥ ᐱᖑᐊᕐᕕᒃ (ᕿᑎᒡᕕᒃ) ᓴᓇᔭᐅᓚᐅᖅᓯᒪᔪᖅ 1980−ᖏᓐᓂ ᓱᕈᖅᓯᒪᓕᓚᐅᖅᓱᓂᓗ ᒫᓐᓇᓵᖅ ᐊᕐᕋᒍᒐᓴᐅᖃᐅᔪᓂ. ᓄᓇᓕᖕᓂ ᐱᖑᐊᕐᕕᒃ ᐊᑐᖅᑕᐅᕙᓚᐅᕐᒪᑦ ᑲᑎᕝᕕᐅᓗᓂ ᐃᓄᖕᓄᑦ, ᐊᒻᒪᓗ ᐃᕿᐊᖑᐃᔭᕐᕕᐅᓂᕐᒧᑦ ᒪᒃᑯᒃᑐᓄᑦ ᐃᓇᑐᖃᕐᓄᓪᓗ ᒧᒥᕐᕕᐅᓗᓂ, ᕼᐊᑭᕐᕕᐅᓗᓂ, ᐸᔅᑭᑦᐹᓪ, ᕚᓕᐹᓪ, ᐊᒻᒪᓗ ᐃᓄᐃᑦ ᐱᖑᐊᕈᓯᖏᓐᓄᑦ.

ᑮᓇᐅᔭᐃᑦ ᑐᓂᔭᐅᓯᒪᔪᑦ ᓄᓇᓕᖕᓂ ᐱᖑᐊᕐᕕᖕᓂ ᓴᓇᕐᕈᑎᒃᓴᓄᒃ ᑲᓇᑕᒥ ᐃᑲᔫᑖᐅᓂᐊᖅᑐᑦ ᓴᓇᒋᐊᖅᑕᐅᓂᖏᓐᓄᑦ ᐱᖑᐊᕐᕕᒃ, ᐊᑐᖅᑕᐅᖏᓐᓇᖁᓪᓗᒋᑦ ᐃᓄᖁᑎᖏᓐᓄᑦ ᐃᒡᓗᓕᒐᕐᔪᖕᒥ.

ᑕᓗᕐᔪᐊᕐᓂ ᓇᓗᒐᓛᕐᕕᒃ ᓴᓇᒋᐊᖅᑕᐅᓂᖓ
ᐊᑭᓕᖃᖅᑐᖅ ᑲᑎᓪᓗᒋᓐ: $200,000
($100,000-ᒥᒃ ᑐᓂᓯᔪᑦ ᐊᑐᓂ ᒐᕙᒪᐃᑦ ᑲᓇᑕᒥ ᓄᓇᕗᒥᒡᓗ)

ᑕᓗᕐᔪᐊᕐᒥ ᓇᓗᒐᓛᕐᕕᒃ ᓴᓇᔭᐅᓚᐅᖅᓯᒪᔪᖅ ᐅᖓᑖᓃ 20 ᐊᕐᕋᒍᐃᑦ, ᐋᕿᒋᐊᖅᑕᐅᔭᕆᖃᓕᖅᓱᓂᓗ ᐊᐅᓚᑕᐅᖏᓐᓇᕈᓐᓇᕐᓂᐊᕐᒪᑦ. ᑮᓇᐅᔭᐃᑦ ᐊᑐᐃᓐᓇᐅᔪᑦ ᐱᖑᐊᕐᕕᖕᓂ ᓴᓇᒋᐊᕈᑎᒃᓴᓂᒃ ᑲᓇᑕᒥ RInC−ᑯᓐᓂᒃ  ᐊᑐᖅᑕᐅᓂᐊᖅᑐᑦ ᐃᓕᐅᖃᐃᓂᕐᒧᑦ ᓄᑖᒥᒃ ᐃᓗᐹᕈᑕᕐᒥᒃ ᐊᕙᓗᐊᓂ ᓇᓗᒐᓛᕐᕕᐅᒻ ᐊᒻᒪᓗ ᓴᓇᔭᐅᑦᑎᐊᒃᑲᓐᓂᕐᓗᓂ ᐱᓱᒡᕕᒃ ᐊᕙᓗᐊᓃᑦᑐᖅ ᓇᓗᒐᓛᕐᕕᐅᒻ. ᑖᒃᑯᐊ ᓄᑖᕈᕆᐊᖅᑕᐅᓂᖏᑦ ᐃᑲᔪᕐᓂᐊᖅᑐᑦ ᑕᓗᕐᔪᐊᕐᒥᐅᓄᑦ ᐊᑐᕈᓐᓇᕐᓂᖅ ᓇᓗᒐᓛᕐᕕᖕᒥ ᐊᕐᕋᒍᓕᒫᖅ ᐃᓕᓐᓂᐊᖅᑎᑕᐅᓂᖏᓐᓄᑦ ᓇᓗᒐᓛᖕᓂᕐᒥᒃ, ᓵᓚᒃᓴᖃᑦᑕᐅᑎᓇᓱᐊᖅᑐᓂᒃ ᐊᓯᖏᓐᓂᓗ ᓄᓇᓕᖕᓂ ᓱᕈᓘᔭᖅᑎᑦᑎᔪᓐᓇᕐᓂᖅ. ᐱᐅᓂᖅᓴᓂᒃ ᖃᓄᐃᓐᓇᖏᑦᑐᓂᒃ ᓱᕈᓘᔭᖃᑦᑕᖅᑐᓂᒃ ᐃᓅᓯᖃᕐᓂᖅᓴᐅᔾᔪᑕᐅᔪᓐᓇᕐᓂᐊᕐᒥᔪᑦ.

 

ᐃᒡᓗᓕᖕᒥ ᐊᒻᒪᓗ ᓴᓂᑭᓗᐊᕐᒥ ᐱᖏᖑᐊᕐᕕᑦ - ᕿᑯᓕᖅᑎᖅᑕᐅᓂᖏᑦ ᑐᓐᖓᕕᖏᑦ
ᐊᑭᓕᖃᖅᑐᖅ ᑲᑎᓪᓗᒋᓐ: $400,000 ᐊᒻᒪᓗ $234,000, ᐊᑐᓂ
($200,000  ᐊᒻᒪᓗ $117,000-ᓂᒃ ᑐᓂᓯᐊᓂᖅᑐᑦ ᐊᑐᓂ ᒐᕙᒪᖏᑦ ᑲᓇᑕᐅᑉ ᓄᓇᕗᓪᓗ)

ᓄᓇᓕᖕᓂ ᐱᖑᐊᕐᕕᑦ ᐱᒻᒪᕆᐊᓘᖕᒪᑦ ᓄᓇᓕᖕᒥᐅᓄᑦ ᑲᑎᒪᕝᕕᐅᔪᓐᓇᕐᓂᕐᒧᑦ ᓄᓇᓕᖕᓂ ᐃᒡᓗᓕᖕᒥ ᓴᓂᑭᓗᐊᕐᒥᓗ. ᑮᓇᐅᔭᐃᑦ ᐊᑐᐃᓐᓇᐅᔪᑦ ᐱᖑᐊᕐᕕᖕᓄᑦ ᓴᓇᔭᐅᓂᖏᓐᓄᑦ ᑲᓇᑕᒥ RInC−ᑯᑎᒍᑦ ᐊᑐᖅᑕᐅᓂᐊᖅᑐᑦ ᐃᓕᐅᖃᐃᕕᐅᓂᖏᓐᓄᑦ ᕿᑯᓕᖅᑐᖅᑕᐅᓂᐊᖅᑐᓂᒃ ᑐᖓᕕᖏᓐᓂᒃ ᒫᓐᓇᐅᔪᖅ ᐱᖑᐊᕐᕖᑦ. ᑖᒃᑯᐊ ᓄᑖᕈᕆᐊᖅᑕᐅᓂᖏᑦ ᓯᑯᖃᕈᑕᐅᓂᖅᓴᖅᓯᐅᓂᐊᖅᑐᑦ ᐊᑯᓂᐅᓂᖅᓴᒧᑦ ᐊᒻᒪᓗ ᓯᑯᖃᖏᓐᓂᖏᓂ ᐊᓯᖏᓐᓂᒃ ᐱᖑᐊᕐᕕᐅᔪᓐᓇᕐᓂᐊᖅᓱᑎᒃ.

ᐃᑲᔫᑏᑦ ᐱᖁᑎᕐᒧᐊᕐᓂᒃ ᓄᓇᓕᓕᐅᕈᑎᓂᒃ, ᐃᑲᔪᖅᓱᐃᔪᑦ ᑲᓇᑕᒥ ᑮᓇᐅᔭᓕᐅᕈᑎᒃᓴᓂᒃ

ᐱᖑᐊᕐᕕᖕᓂᒃ ᐱᖁᑎᕐᔪᐊᓕᕆᔾᔪᑏᑦ ᑲᓇᑕᒥ RInC−ᑯᑦ ᑲᓇᑕᓕᒫᒥ ᐃᓕᖓᖕᒪᑕ ᑮᓇᐅᔭᓕᐅᕈᑕᐅᓇᓱᐊᖅᑐᓂᒃ ᐱᕚᓪᓕᕈᑎᑦ ᐊᖏᓂᖃᖅᑐᑦ $500 ᒥᓕᔭᓐᓂᒃ ᑎᑭᓪᓗᒍ ᒫᔾᔨ 31, 2011-ᒧᑦ. ᐊᑐᒐᒃᓴᐃᑦ ᑎᒍᒥᐊᕐᕕᐅᕗᑦ ᐊᑭᓕᕆᐊᓕᖕᓂᒃ ᓴᓇᔭᐅᒋᐊᒃᑲᓐᓂᕈᑎᒃᓴᓂᒃ, ᓄᑖᕈᖅᑎᖅᑕᐅᔭᕆᐊᖃᖅᑐᓂᒃ, ᐅᕝᕙᓗᓐᓃᑦ ᐊᖏᒡᓕᒋᐊᖅᑕᐅᓂᖏᓐᓄᒃ ᐱᖑᐊᕐᕕᖕᓂᒃ ᓴᓇᔭᐅᓯᒪᔪᑦ ᑲᓇᑕᒥ ᓄᓇᓕᖕᓂ. ᐱᖑᐊᕐᕕᓕᕆᔾᔪᑏᑦ ᑲᓇᑕᒥ ᐊᑐᐃᓐᓇᐅᑎᐅᕙᒃᐳᑦ ᑲᓐᓄᐊᑦᑯᑎᒍᑦ CanNor−ᑯᑎᒍᑦ ᐱᖓᓱᓂᒃ ᐅᑭᐅᖅᑕᖅᑐᒥ ᒐᕙᒪᖃᕐᕕᐅᔪᓂ, ᐊᒻᒪᓗ ᐊᓯᖏᓐᓂ ᑲᓇᑕᒥ ᑮᓇᐅᔭᓕᐅᕐᕕᖕᓄᑦ ᐱᕙᓪᓕᐊᔪᓕᕆᕝᕕᖕᓂ ᑲᓇᑕᐅᑉ ᐊᕕᒃᑐᖅᓯᒪᓂᖏᓃᑦᑐᓂ.

ᐱᖑᐊᕐᕕᓕᕆᔾᔪᑏᑦ ᑲᓇᑕᒥ ᐊᑐᒐᒃᓴᐃᑦ RInC−ᑯᑎᒍᑦ ᐃᑲᔪᖅᓱᐃᔾᔪᑕᐅᕗᑦ ᐊᑐᐃᓐᓇᐅᓕᖅᑐᓂᒃ ᐱᐅᓯᒋᐊᖅᑕᐅᔪᒪᔪᓂᒃ ᐊᒻᒪᓗ ᓴᓇᒋᐊᖃᖅᑕᐅᒃᑕᓐᓂᕈᒪᔪᓂᒃ ᐱᓕᕆᐊᒃᓴᓂᒃ ᐱᖑᐊᕐᕕᖕᓂ ᑕᒡᕘᓇᓴᐃᓐᓇᖅ ᑮᓇᐅᔭᓕᐅᕐᕕᒃᓴᓕᐅᖅᓱᑎᒃ ᐊᒻᒪᓗ ᐃᖃᓇᐃᔭᒃᓴᐃᑦ ᓴᕿᑎᔾᔪᑕᐅᓪᓗᑎᒃ ᓄᓇᓕᖕᓂ.