ᐱᒋᐊᕐᓂᕕᓂᐊ - ᑮᓇᐅᔭᓂᒃ ᓴᒡᕙᐃᓂᖅ ᐊᑐᖅᑕᐅᔪᒃᓴᓂᒃ ᑕᓯᕐᓂ ᐃᒪᕕᖕᒥᓗ ᐃᖃᓗᒐᓱᖕᓂᕐᒧᑦᓄᓇᕗᒻᒥ

 sdgᐅᑭᐅᖅᑕᖅᑐᒥ, ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐊᒻᒪᓗ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒍᑦ ᐱᒋᐊᖅᑎᑕᐅᓯᒪᔪᕕᓃᑦ ᐊᐅᓚᑕᐅᕗᑦ ᓴᖅᑭᑕᐅᓵᓚᐅᖅᑐᓄᑦ ᐅᑯᓄᖓ Canadian Northern Economic Development Agency (ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ).

ᑖᒃᑯᐊ ᐱᖓᓱᑦ ᐱᓕᕆᐊᒃᓴᑦ ᑐᕌᒐᖃᖅᑎᑕᐅᕗᑦ ᖃᐅᔨᒃᑲᓐᓂᖅᑎᑦᑎᒃᑲᓐᓂᕋᓱᐊᕐᓂᕐᒥᒃ ᐊᒻᒪᓗ ᓴᓇᕐᕈᑎᖃᐅᓕᖅᑎᑦᑎᒃᑲᓐᓂᕐᓂᕐᒥᒃ ᓄᓇᕗᒻᒥ ᐃᖃᓗᓕᕆᓂᕐᒥᒃ ᐱᓕᕆᐊᓕᖕᓄᑦ, ᐊᒻᒪᓗ ᐃᖃᓗᓕᕆᓂᖅ ᑮᓇᐅᔭᓕᐅᕋᓱᐊᕈᑕᐅᓂᐊᖅᑎᓪᓗᒍ ᐊᔾᔨᒌᓐᖏᑦᑐᓂᒃ ᓴᖅᑭᑦᑎᕙᓪᓕᐊᓂᕐᒥᒃ.

ᐅᒥᐊᕐᓂ ᐃᖅᑲᓇᐃᔭᖅᑏᑦ ᐃᑲᔪᖅᑕᐅᓂᐊᕐᓂᖏᑦ
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $200,000-ᕌᒐᓚᒃᑐᑦ ᐊᕐᕌᒎᒃ ᒪᕐᕉᒃ ᐅᖓᑖᓄᑦ
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $140,000-ᕌᒐᓚᒃᑐᑦ ᐊᕐᕌᒎᒃ ᒪᕐᕉᒃ ᐅᖓᑖᓄᑦ

ᖃᐅᔨᓴᐃᓂᖅ ᐊᒻᒪᓗ ᐱᓕᒻᒪᒃᓴᐃᓂᖅ ᓯᕗᓪᓕᐅᔾᔭᐅᖃᑕᐅᓯᒪᕗᑦ ᓄᓇᕗᒻᒥ ᑕᓯᕐᓂ ᐃᖃᓗᒐᓱᖕᓂᖅ ᐱᕈᖅᐸᓪᓕᐊᔪᓐᓇᕐᓂᐊᕐᒪᑦ ᐊᒻᒪᓗ ᓯᕗᓂᒃᓴᑦᑎᓐᓂ ᒪᑭᒪᑦᑎᐊᕐᓂᖅᓴᐅᔪᓐᓇᕐᓂᐊᕐᒪᑦ.  ᑖᓐᓇ ᐱᓕᕆᐊᖅ ᐱᓕᒻᒪᒃᓴᐃᔾᔪᑕᐅᓂᐊᖅᑐᖅ ᐊᒻᒪᓗ ᐃᒪᕐᒥ ᐱᓕᒻᒪᒃᓴᖅᑕᐅᓗᑎᒃ ᓄᓇᓕᖕᓂ ᐃᖃᓗᒐᓱᒃᑏᑦ ᐊᒻᒪᓗ ᐊᐅᓪᓚᐅᔾᔨᔩᑦ, ᐊᑐᕐᓗᑎᒃ ᐊᕙᑎᓕᕆᔨᒃᑯᑦ ᐅᒥᐊᖓ 27 ᕘᑦᓂᒃ ᑕᑭᓂᓕᒃ ᖃᐅᔨᓴᐃᓂᕐᒧᑦ ᐊᑐᖅᑕᐅᖃᑦᑕᖅᑐᖅ.
2009 ᐊᒻᒪ 2010 ᐃᖃᓗᒐᓱᖕᓇᐅᓂᖓᓂ, ᐅᒥᐊᖅ ᑎᓄᔾᔭᕕᖕᒦᑎᑕᐅᓂᐊᖅᑐᖅ ᐸᖕᓂᖅᑑᑉ ᖃᓂᒋᔮᓂ.  ᑖᓐᓇ ᐅᒥᐊᕐᔪᐊᖅ ᑐᑦᑕᕐᕕᒋᔭᐅᓂᐊᖅᑐᖅ ᐊᑕᐅᓯᐅᓐᖏᑦᑐᓄᑦ ᖃᐅᔨᓵᕆᔭᐅᕙᓪᓕᐊᔪᓄᑦ, ᐃᓚᓕᐅᓪᖢᒋᑦ ᐃᓕᓐᓂᐊᖅᑎᑕᐅᓂᐊᕐᓂᖏᑦ ᐅᒥᐊᕋᓛᖑᓂᖅᓴᐅᔪᓂᒃ ᐊᐅᓚᑦᓯᔨᐅᕙᒃᑐᑦ ᐸᖕᓂᖅᑑᕐᒥ, ᐊᒻᒪᓗ ᐊᓯᖏᓐᓄᑦ ᖃᐅᔨᓴᖅᑕᐅᔪᓄᑦ.  ᐊᑕᐅᓯᐅᓐᖏᑦᑐᑦ ᑎᒥᓐᖑᖅᑎᑕᐅᓯᒪᔪᑦ ᑕᒪᑐᒥᖓ ᑮᓇᐅᔭᖃᖅᑎᑦᑎᔪᑦ, ᐃᓚᓕᐅᓪᓗᒋᑦ ᓄᓇᕗᒻᒥ ᐃᖃᓗᓕᕆᓂᕐᒧᑦ ᐱᓕᒻᒪᒃᓴᐃᔩᑦ, ᓄᓇᕗᑦ ᒐᕙᒪᒃᑯᖏᑦ, ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ, ᐊᒻᒪᓗ ᐸᖕᓂᖅᑑᕐᒥ ᐃᖃᓗᓕᒐᓱᐊᖅᑏᑦ ᑲᑐᔾᔨᖃᑎᒌᖏᑦ.

ᑎᓄᔾᔭᕕᖕᒥ ᐊᐅᔭᒃᑯᑦ ᑕᓯᕐᓂ ᐃᖃᓗᒐᓱᕐᓂᕐᒥᒃ ᐱᒋᐊᖅᑎᑦᑎᓂᖅ
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $750,000-ᕌᒐᓚᒃᑐᑦ ᐊᕐᕌᒎᒃ ᒪᕐᕉᒃ ᐅᖓᑖᓄᑦ
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $480,000-ᕌᒐᓚᒃᑐᑦ ᐊᕐᕌᒎᒃ ᒪᕐᕉᒃ ᐅᖓᑖᓄᑦ 

ᓄᓇᕗᒻᒥ ᑕᓯᕐᓂ ᐃᖃᓗᒐᓱᖕᓂᐅᑉ ᐱᕙᓪᓕᐊᑎᑕᐅᔭᕆᐊᖃᕐᓂᖓ ᐱᒻᒪᕆᐅᕗᖅ ᒪᑭᒪᑦᑎᐊᖏᓐᓇᕈᓐᓇᕐᓂᐊᕐᒪᑦ.  ᐅᑭᐅᒃᑯᑦ ᖃᓕᕋᓕᖕᓂᐊᕐᓂᖅ ᑲᔪᓯᓂᖃᑦᑎᐊᕐᓂᖓ ᐃᓚᒋᐊᒃᑲᓐᓂᕈᒪᓪᓗᒍ, ᐅᓇ ᒪᕐᕉᖕᓄᑦ ᐊᕐᕌᒎᖕᓄᑦ ᐋᖅᑭᒃᑕᐅᓯᒪᔪᖅ ᖃᐅᔨᓴᐃᔾᔪᑕᐅᓂᐊᖅᑐᖅ ᐊᐅᔭᒃᑯᑦ ᖃᓕᕋᓕᖕᓂᐊᖃᑦᑕᕈᓐᓇᕐᓂᐊᕐᒪᖔᑦ ᑎᓄᔾᔭᕕᖕᒥ.  ᑕᒪᑐᒧᖓ ᐃᓚᒋᔭᐅᖃᑕᐅᓪᓗᓂ, ᐃᖃᓗᐃᑦ ᖃᐅᔨᓴᖅᑕᐅᓂᐊᖅᑐᑦ ᐱᔭᕇᖅᑕᐅᓗᓂᓗ ᐃᑲᔪᖅᑕᐅᓗᑎᒃ ᐃᒪᕐᒥᐅᑕᓕᕆᔨᒃᑯᓐᓄᑦ, ᓇᓗᓇᐃᔭᐃᓗᑎᒃ ᓂᐅᕐᕈᑕᐅᔪᓐᓇᖅᑐᑦ ᖃᓕᕋᓖᑦ ᓇᓃᖃᑦᑕᕐᒪᖔᖏᑦ ᐊᐅᔭᒃᑯᑦ.  ᖃᐅᔨᓴᐃᓂᐊᕐᒥᔪᑦ ᓇᓗᓇᐃᖅᓯᔪᓐᓇᕐᓂᐊᕋᒥᒃ ᖃᓄᖅ ᐊᖏᑎᒋᔪᒥᒃ ᐅᒥᐊᕐᒥᒃ ᐊᑐᕆᐊᖃᕐᓂᐊᕐᒪᖔᖏᑦ.  ᓄᓇᕗᑦ ᒐᕙᒪᒃᑯᑦ, ᑲᑭᕙᒃᑯᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐸᖕᓂᖅᑑᕐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᑕᒪᑐᒥᖓ ᑮᓇᐅᔭᖃᖅᑎᑦᑎᖃᑕᐅᖕᒥᔪᑦ.

 

2009-ᒥ ᐊᔾᔨᒌᓐᖏᑦᑐᓂᒃ ᐃᒪᕐᒥᐅᑕᓂᒃ ᖃᐅᔨᓴᐃᓂᖅ
ᑮᓇᐅᔭᖅᑐᕈᑏᑦ ᑲᑎᓪᓗᒋᑦ: $588,000-ᕌᒐᓚᒃᑐᑦ
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $60,000-ᕌᒐᓚᒃᑐᑦ ᐅᓄᖅᑐᓄᑦ ᑖᓐᓇ ᐱᓕᕆᐊᖑᔪᖅ ᑐᓐᖓᕕᖃᖅᐳᖅ ᓯᕗᕐᖓᓂ ᖃᐅᔨᓴᖅᑕᐅᖃᑦᑕᕐᓂᑯᕕᓂᕐᓂᒃ ᕿᑭᖅᑖᓘᑉ ᓄᓇᕕᐅᓪᓗ ᐃᑭᕋᓴᖓᓂ.  ᐃᖅᑲᓇᐃᔮᖃᕐᓂᐊᖅᑐᑦ ᖃᐅᔨᓴᐃᓗᑎᒃ ᐃᒪᕕᖕᒥ ᖃᓄᑎᒋ ᐃᖃᓗᖃᑎᒋᖕᒪᖔᑦ ᑭᖑᒃᐸᖕᓂᐊᕐᕕᐅᓲᕐᒥ.  ᐃᖃᓗᐃᑦ ᕿᑭᖅᑖᓘᑉ ᓄᓇᕕᐅᓪᓗ ᐃᑭᕋᓴᖓᑕ ᐱᖓᖕᓇᖓ ᖃᐅᔨᓴᖅᑕᐅᓂᐊᕐᒥᔪᖅ ᓯᕗᓪᓕᖅᐹᒥᒃ ᑕᐃᒪᓐᖓᓂᑦ 1980 ᐊᑐᓚᐅᖅᑎᓪᓗᒋᑦ, ᑐᕌᒐᖃᕐᓗᑎᒃ ᓇᓂ ᐃᖃᓗᖃᐅᕐᒪᖔᖅ ᓄᓇᕗᑦ ᐊᒻᒪᓗ ᓄᓇᕕᐅᑉ ᐊᑭᑦᑎᐊᖓᓂ.  ᖃᐅᔨᓴᐃᓂᐊᕐᒥᔪᑦ ᐊᑯᑭᑦᑐᑦ ᖃᓕᕋᓕᖏᓐᓂᒃ.  ᑕᒪᒃᑯᐊ ᐱᓕᕆᐊᖑᓂᐊᖅᑐᑦ ᐊᑑᑎᖃᓪᓚᕆᖕᓂᐊᖅᑐᑦ ᖃᐅᔨᓴᖅᑕᐅᑦᑎᐊᕐᓂᐊᕐᒪᑕ ᐊᒻᒪᓗ ᐊᐅᓚᑕᐅᑦᑎᐊᕈᓐᓇᕐᓂᐊᕐᒪᑕ ᐃᒪᕐᒥᐅᑕᐃᑦ ᒪᓕᒐᓂᒃ ᐊᑐᓕᖅᑎᑦᑎᔨᐅᔪᓄᑦ.  ᓄᓇᕗᑦ ᒐᕙᒪᒃᑯᖏᑦ, ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ, ᓄᓇᕗᑦ ᑐᓐᖓᕕᒃᑯᑦ, ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐊᒻᒪᓗ ᓄᓇᕕᖕᒥᐅᑦ ᒪᑭᕕᒃᑯᖏᑦ ᑕᒪᑐᒥᖓ ᑮᓇᐅᔭᖃᖅᑎᑦᑎᖃᑕᐅᓂᐊᕐᒥᔪᑦ.

ᓴᓇᕕᒡᔪᐊᕐᓂ ᐃᑲᔪᖅᓱᐃᓂᖅ, ᑲᓇᑕᐅᑉ ᑮᓇᐅᔭᓕᐅᕋᓱᐊᕈᑎᖏᓐᓂᒃ ᐃᑲᔪᖅᓱᐃᓂᖅ

ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐃᑲᔫᑕᐅᔪᒃᓴᐅᑕᐅᕗᑦ ᓄᓇᓕᖕᓂ, ᐱᓗᐊᕐᓗᒋᑦ ᑕᐃᒃᑯᐊ ᓄᓇᒥᐅᑕᓂᒃ ᑮᓇᐅᔭᓕᐅᕋᓱᐊᕈᑎᖃᖅᑐᑦ ᐊᒻᒪᓗ ᐃᓄᖕᓄᑦ ᓴᓇᐅᒐᓂᒃ ᑮᓇᐅᔭᓕᐅᕋᓱᐊᕈᑎᖃᖅᑐᑦ, ᐃᖅᑲᓇᐃᔮᒃᓴᖅᑕᖃᐅᖏᓐᓇᕐᓂᐊᕐᒪᑦ ᐊᒻᒪᓗ ᐋᖅᑭᒋᐊᖅᓯᔪᓐᓇᕐᓂᐊᕐᒪᑕ ᐋᖅᑭᒃᓱᐃᒃᑲᓐᓂᕈᓐᓇᕐᓂᐊᕐᒪᑕᓗ ᑮᓇᐅᔭᓕᐅᕋᓱᐊᕈᑎᒥᖕᓂᒃ,  ᐊᒥᓱᑦ ᐱᓕᕆᐊᖑᔪᑦ ᑮᓇᐅᔭᖃᖅᑎᑕᐅᕗᑦ ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᖅᑎᒍᑦ ᐊᒻᒪᓗ ᑲᑐᔾᔨᖃᑎᒌᖕᓂᕐᒥᒃ ᑐᓐᖓᕕᖃᖅᖢᑎᒃ, ᐊᕗᖓᐅᔨᓂᖅᓴᐅᔪᓐᓇᕐᓂᐊᕐᒪᑕ ᓄᓇᒥᐅᑕᓕᕆᓂᕐᒧᑦ ᐊᒃᑐᐃᓂᓖᑦ ᐊᒻᒪᓗ/ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᕐᓂᒃᑯᑦ ᐃᑲᔫᓯᐊᖅᑖᖑᔪᓐᓇᖅᑐᑦ.

Canada's Economic Action Plan (ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦ), ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐊᕐᕌᒎᖕᓄᑦ ᒪᕐᕉᖕᓄᑦ $1 ᐱᓕᐊᓐᓂᒃ ᑲᓇᑕᓕᒫᒧᑦ ᐊᑐᐃᓐᓇᕈᐃᓯᒪᕗᑦ ᑮᓇᐅᔭᓕᐅᕋᓱᐊᕈᑎᓄᑦ ᐊᑐᖅᑐᒃᓴᓂᒃ ᐊᒻᒪᓗ ᐃᖅᑲᓇᐃᔮᓂᒃ ᓴᖅᑭᑦᑎᒋᐊᒃᑲᓐᓂᐅᑕᐅᓂᐊᖅᖢᓂ ᓄᓇᓕᖕᓂ ᐊᒃᑐᖅᑕᐅᓯᒪᓗᐊᓐᖑᐊᖅᑐᓂᒃ ᓄᓇᕐᔪᐊᕐᒥ ᑮᓇᐅᔭᑦ ᑲᑕᐅᒥᓯᒪᓗᐊᕐᓂᖏᓐᓄᑦ.  ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᓴᖅᑭᑕᐅᖃᑦᑕᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ ᐱᖓᓱᓂ ᐅᑭᐅᖅᑕᖅᑐᒥ ᒐᕙᒪᖃᕐᕕᖕᓂ, ᐊᒻᒪᓗ ᐊᓯᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᑦᑕ ᐱᕙᓪᓕᐊᔪᓕᕆᓂᕐᒧᑦ ᑎᒥᓐᖑᖅᑎᓯᒪᔭᖏᓐᓄᑦ ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂ.

ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᑦ ᑕᓪᓕᒪᓂᒃ ᐊᕐᕌᒍᕐᓄᑦ ᓴᖅᑭᔮᖅᑐᒃᓴᐅᑎᑕᐅᓚᐅᖅᓯᒪᔪᖅ ᐅᑭᐅᖅᑕᖅᑐᒧᑦ, ᐊᒻᒪᓗ ᓄᑖᓐᖑᕆᐊᖅᑎᑕᐅᓚᐅᖅᖢᓂ ᑮᓇᐅᔭᑦ ᐊᑐᕈᒫᕐᓂᐊᖅᑐᓕᕆᑎᓪᓗᒋᑦ 2009-ᒥ.  ᐃᓗᓕᖃᐅᖅᑐᖅ ᐊᔾᔨᒌᓐᖏᑦᑐᓂᒃ ᐱᓕᕆᐊᓐᖑᖅᑎᑕᐅᓯᒪᔪᓂᒃ ᓴᖅᑭᔮᒃᑲᓐᓂᓕᕈᓐᓇᕐᓂᐊᕐᒪᑦ ᑮᓇᐅᔭᓕᐅᕋᓱᐊᕐᓂᖅ ᐅᑭᐅᖅᑕᖅᑐᒥ, ᓴᓐᖏᒃᑎᒋᐊᖅᑕᐅᓗᑎᒡᓗ ᐅᑭᐅᖅᑕᖅᑐᒥᐅᑦ ᑮᓇᐅᔭᓕᐅᕋᓱᐊᕈᑎᖏᑦ ᐊᒻᒪᓗ ᐱᒻᒪᕆᐅᔪᓂᒃ ᓄᐃᑦᑎᕙᓪᓕᐊᓗᑎᒃ ᐅᑭᐅᖅᑕᖅᑐᒥᐅᓄᑦ, ᓇᖕᒥᓂᖅ ᐱᓕᕆᕝᕕᒋᔭᐅᔪᓄᑦ ᐊᒻᒪᓗ ᓄᓇᓕᖁᑎᖏᓐᓄᑦ.  ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᒎᖅᑎᑕᐅᕗᖅ ᐱᖓᓱᓂ ᐅᑭᐅᖅᑕᖅᑐᒥ ᒐᕙᒪᖃᕐᕕᖃᖅᑐᓂ.