ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦ ᐃᑲᔫᑕᐅᕗᑦ ᐳᓚᕋᖅᑐᓕᕆᓂᕐᒧᑦ ᓄᓇᓕᖕᓂᓗ ᖃᓄᐃᓕᐅᕐᓂᕆᔭᐅᖃᑦᑕᖅᑐᓄᑦ ᐃᓅᕕᖕᒥ, ᓄᓇᑦᓯᐊᕐᒥ

CanNor-09-08

ᔭᓗᓇᐃᕝ, ᓄᓇᑦᓯᐊᖅ (ᐊᒃᑑᐸ 13, 2009) –  ᓴᒃ ᔅᑐᕌᓪ, ᒥᓂᔅᑕᕆᔭᐅᔪᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᑮᓇᐅᔭᖃᖅᑎᑦᑎᓂᐊᕐᓂᕐᒥᖕᓂᒃ ᐊᑐᕐᓂᐊᖅᑐᓂᒃ ᓄᒃᑕᒐᕐᓂᒃ ᐱᓐᖑᐊᖅᑎᓄᑦ ᖁᓐᖏᐊᖅᑕᐅᕝᕕᖕᒥᒃ ᐃᓅᕕᐅᑉ ᑕᐅᓐᑯᓂ ᓄᓇᑦᓯᐊᕐᒥ. “ᐊᕗᖓᐅᔨᓯᒪᔪᒃᑯᑦ ᑕᒪᓐᓇ ᐃᑲᔫᑎᖃᓪᓚᕆᖕᓂᐊᖅᑐᖅ ᒥᑭᓐᓂᖅᓴᐃᑦ ᑮᓇᐅᔭᓕᐅᕋᓱᐊᕈᑏᑦ ᐊᑐᕐᓗᒋᑦ ᐅᑭᐅᑕᖅᑐᓕᒫᒥ, ᐊᒻᒪᓗ ᐱᕚᓪᓕᐅᑕᐅᓂᐊᖅᖢᑎᒃ ᓄᓇᓕᖕᓂ ᐱᖁᑎᕐᔪᐊᖁᑎᒋᔭᐅᔪᓄᑦ,” ᑕᐃᒪᓐᓇ ᐅᖃᓚᐅᖅᑐᖅ ᒥᓂᔅᑕ ᔅᑐᕌᓪ, ᒥᓂᔅᑕᕆᔭᐅᖃᑕᐅᓯᓐᓈᖅᑐᖅ ᐃᓄᓕᕆᔨᑐᖃᒃᑯᓐᓄᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓄᑦ ᓂᐱᒋᔭᐅᓪᓗᓂ ᐱᔾᔪᑕᐅᑎᓪᓗᒋᑦ ᐊᓪᓚᖓᔪᐃᑦ ᐊᒻᒪᓗ ᐃᓕᓴᕆᔭᐅᓯᒪᓐᖏᑦᑐᑦ ᐃᖅᑭᓖᑦ.  “ᑖᓐᓇ ᐱᓕᕆᐊᖑᔪᖅ ᐊᒃᑐᐃᓂᖃᑲᐅᑎᒋᓂᐊᖅᑐᖅ ᐃᓅᕕᐅᑉ ᑕᐅᓐᖓᓂᒃ, ᐅᓄᖅᓯᒋᐊᕐᓂᐊᕐᒪᑕ ᐳᓚᕋᖅᑏᑦ ᐊᒻᒪᓗ ᐃᓂᒃᓴᖅᑖᖅᑎᑕᐅᓂᐊᖅᖢᑎᒃ ᓄᓇᓕᖕᓂ ᖁᕕᐊᓲᑎᖃᕐᓂᒃᑯᑦ ᐱᕙᓪᓕᐊᑎᑕᐅᔪᑦ.”

“ᑖᓐᓇ ᐱᓐᖑᐊᖅᑎᓄᑦ ᖁᓐᖏᐊᕐᕕᒃ ᓄᓇᓕᖕᓄᑦ ᐊᒃᓱᐊᓗᒃ ᐊᑑᑎᖃᕐᓂᐊᖅᑐᖅ ᐊᑐᖅᑕᐅᒐᔪᒡᓗᓂᓗ ᐊᒻᒪᓗ ᐊᕐᕌᒍᒐᓴᖕᓄᑦ ᓯᕗᓂᒃᓴᑦᑎᓐᓄᑦ ᐱᕚᓪᓕᐅᑕᐅᖏᓐᓇᕐᓂᐊᖅᖢᓂ.” ᑕᐃᒪᓐᓇ ᐅᖃᓚᐅᖅᑐᖅ ᓕᐅᓇ ᐊᒡᓘᒃᑲᖅ, ᒥᓂᔅᑕ ᐅᑭᐅᖅᑕᖅᑐᓕᕆᓂᕐᒥᒃ ᐱᔭᒃᓴᖅᑖᖅᑎᑕᐅᓯᒪᔪᖅ ᐊᒻᒪᓗ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ ᒥᓂᔅᑕ. ᒪᑲᓐᔨ ᕆᕙ ᑎᐅᓪᑕᖓᓃᖢᓂ, ᑕᒻᔅᑑ ᐊᖅᑯᑎᕐᔪᐊᖓᑕ ᐃᓱᐊᓂ, ᐃᓅᕕᒃ ᑐᑦᑕᕐᕕᓪᓚᕆᐅᕗᖅ ᐊᕕᒃᑐᖅᓯᒪᔪᖁᑎᖏᓐᓂ ᐊᒻᒪᓗ ᐊᕕᒃᑐᖅᓯᒪᔪᖁᑎᖏᓐᓂ ᐅᐸᒃᑕᐅᒐᔪᒃᖢᓂ ᓂᕆᕕᒡᔪᐊᕐᓂᐊᖅᑐᓄᑦ, ᐱᓐᖑᐊᕐᓂᐊᖅᑐᓄᑦ ᖁᕕᐊᓲᑎᖃᕐᓂᐅᔪᓄᓪᓗ.  ᑕᒪᒃᑯᐊ ᐱᕙᓪᓕᐊᑎᑕᐅᔪᑦ ᐱᑕᖃᕆᐊᖃᓪᓚᕆᒃᑐᓂᒃ ᐳᓚᕋᖅᑐᓕᕆᓂᕐᒨᖓᔪᓄᑦ ᐃᓚᒋᔭᐅᖃᑕᐅᕗᖅ ᐊᒻᒪᓗ ᐳᓚᕋᖅᑐᓕᕆᓂᕐᒧᑦ ᐱᓕᒻᒪᒃᓴᐅᑕᐅᓪᓚᕆᒃᖢᓂ.  ᑕᐃᓐᓇ ᐱᓐᖑᐊᖅᑐᓄᑦ ᖁᓐᖏᐊᕐᕕᒃ ᐱᕙᓪᓕᐊᑎᑦᑎᔪᖃᖅᑎᓪᓗᒍ ᑮᓇᐅᔭᖅᑐᕈᑎᖏᓐᓂᒃ ᒥᒃᖠᕚᓪᓕᐅᑕᐅᓂᐊᖅᑐᖅ, ᐊᒻᒪᓗ ᑕᐃᒪᐃᓕᖅᐸᑦ ᐃᓅᕕᖕᒥᐅᑦ ᐊᖏᓂᖅᓴᒻᒪᕆᖕᓂᒃ ᐱᕙᓪᓕᐊᑎᑦᑎᖃᑦᑕᕈᓐᓇᖅᓯᓂᐊᖅᑐᑦ.

ᑮᓇᐅᔭᑦ $75,000 ᑕᒪᑐᒧᖓ ᐊᑐᖅᑐᒃᓴᑦ ᐊᑐᐃᓐᓇᕈᖅᑕᐅᓚᐅᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒍᑦ, ᐃᓚᒋᔭᐅᖃᑕᐅᓪᓗᓂ ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᓐᓄᑦ.  ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒎᖅᑐᑦ ᑮᓇᐅᔭᑦ ᑮᓇᐅᔭᓕᐅᕋᓱᐊᕈᑎᒋᔭᐅᖃᑦᑕᖅᐳᑦ ᓄᓇᑦᓯᐊᕐᒥ, ᑐᓐᖓᕕᖃᖅᖢᑎᒃ ᖃᐅᔨᒪᔭᕆᔭᐅᔪᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ, ᐱᕚᓪᓕᖅᑎᑕᐅᓪᓗᑎᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᖁᑎᕐᔪᐊᑦ, ᓴᓇᕐᕈᓯᐅᖅᐸᓪᓕᐊᓂᖅ ᐊᒻᒪᓗ ᓴᖅᑭᔮᖅᑎᑦᑎᒃᑲᓐᓂᕐᓂᖅ ᑮᓇᐅᔭᓕᐅᕋᓱᐊᕈᑎᓂᒃ ᐊᔾᔨᒌᓐᖏᑦᑐᓂᒃ.

ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ ᐱᓕᕆᐊᑦ ᐱᔭᒃᓴᖅᑖᖑᖃᑕᐅᓯᒪᕗᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ, ᐊᒻᒪᓗ ᓵᓐᖓᓗᐊᓐᖑᐊᖅᖢᑎᒃ ᐊᕗᖓᐅᔨᔪᒃᑯᑦ ᑮᓇᐅᔭᓕᐅᕋᓱᐊᕈᑎᓂᒃ ᐱᖓᓱᓂ ᐅᑭᐅᑕᖅᑐᒥ ᒐᕙᒪᖃᕐᕕᐅᔪᓂ.  ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᐱᔭᒃᓴᖅᑖᖅᑎᑕᐅᓯᒪᕗᑦ ᑐᑭᒧᐊᒃᑎᑦᑎᔨᐅᓂᕐᒥᒃ ᐊᒻᒪᓗ ᓴᖅᑭᔮᖅᑎᑦᑎᓂᕐᒥᒃ ᑲᓇᑕᐅᑉ ᒐᕙᒪᒃᑯᖏᑦᑕ ᑮᓇᐅᔭᓕᐅᕋᓱᐊᕈᑎᓄᑦ ᐱᓕᕆᐊᖏᓐᓂᒃ ᐅᑭᐅᖅᑕᖅᑐᒥ ᒐᕙᒪᖃᕐᕕᖕᓂ, ᐊᒻᒪᓗ ᐊᑐᐊᒐᓕᕆᓂᕐᒥᒃ, ᖃᐅᔨᓴᐃᔨᐅᓂᕐᒥᒃ ᐊᒻᒪᓗ ᐊᔭᐅᖅᑐᐃᔨᐅᓂᕐᒥᒃ.  ᓴᖅᑭᔮᖅᑎᑦᑎᒃᑲᓐᓂᕐᓂᖅ ᐃᓅᓯᕐᒧᑦ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᐅᑭᐅᑕᖅᑐᒥ ᑎᓴᒪᒋᔭᐅᓪᓗᑎᒃ ᒪᑭᒪᐅᑕᐅᕗᑦ ᑲᓇᑕᐅᑉ ᒐᕙᒪᒃᑯᖏᑦᑕ ᐅᑭᐅᖅᑕᖅᑐᒥᐅᓄᑦ ᑐᑭᒧᐊᕈᓯᐊᕆᓯᒪᔭᖏᓐᓄᑦ.

ᐅᑯᐊ ᓴᖅᑭᑕᐅᔪᑦ ᐊᒻᒪᓗ ᐱᒋᐊᕐᓂᕕᓃᑦ ᐊᑐᐃᓐᓇᐅᖕᒥᔪᑦ ᖃᕆᓴᐅᔭᒃᑯᑦ, ᑐᕌᕈᑖ: http://www.north.gc.ca/mr/nr-eng.asp.
ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᓐᓂᒃ ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕘᓇ ᑕᑯᒋᐊᕈᓐᓇᖅᑕᑎᑦ ᐊᒻᒪᓗ ᑐᑭᓯᒋᐊᒃᑲᓐᓂᕈᒪᒍᕕᑦ ᑲᓇᑕᐅᑉ ᐅᑭᐅᑕᖅᑐᖓᓂ ᑐᑭᒧᐊᕈᑎᖏᑦ, ᐅᕘᓇ ᑕᑯᒋᐊᕈᓐᓇᖅᑕᑎᑦ www.northernstrategy.ca/index-eng.asp

ᑐᑭᓯᒃᑲᓐᓂᕈᒪᒍᕕᑦ ᐅᕗᖓ ᖃᐅᔨᒋᐊᕈᓐᓇᖅᑐᑎᑦ:

ᒥᓂᔅᑕ ᓴᒃ ᔅᑐᕌᓪ ᑎᑎᕋᕐᕕᖓ
ᒥᓯᐅᓪ ᔭᐅ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ
819-997-0002

Canadian Northern Economic Development Agency (CanNor), NWT Region
Petra White
Communications Advisor
(867) 669-2580