Canadian Northern Economic Development Agency
www.north.gc.ca
Liens de la barre de menu commune / Common menu bar links
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑯᐊᐳᕇᓴᖏᓐᓄᑦ ᑮᓇᐅᔭᓂᒃ ᐃᓕᓯᓂᖅ
ᑲᓇᑕᐅᑉ ᒐᕙᒪᒃᑯᖏᑦ, ᐊᖅᑯᑎᒋᓪᓗᓂᔾᔪᒃ ᑲᓇᑕᐅ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑯᐊᐳᕇᓴᖓᓐᓂᒃ ᑮᓇᐅᔭᖅᑖᖅᑎᑦᑎᓂᐊᖅᑐᑦ $5,835,250-ᓂᒃ ᓄᑖᓐᖑᕆᐊᖅᑎᑕᐅᓂᐊᕐᒪᑕ ᐱᐅᓯᒋᐊᖅᑕᐅᓂᐊᕐᒪᑕᓗ ᐆᒻᒪᖅᑯᓯᐅᕐᕖᑦ ᓄᓇᕗᑦ ᓄᓇᓕᖁᑎᖏᓐᓂ 7-ᓂ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑯᐊᐳᕇᓴᖏᑦ ᒐᕙᒪᒃᑯᓐᓄᑦ ᑎᒥᓐᖑᖅᑎᑕᐅᓯᒪᓪᓗᑎᒃ ᑯᐊᐳᕇᓴᐅᕗᑦ. 25-ᓄᑦ ᓄᓇᕗᑦ ᓄᓇᓕᖁᑎᖏᓐᓂ ᐆᒻᒪᖅᑯᓯᐅᕐᕕᖃᖅᑎᑦᑎᔨᑦ ᐊᒻᒪᓗ ᖃᐅᒻᒪᖅᑯᑎᖃᖅᑎᑦᑎᓗᑎᒃ ᐊᖅᑯᑎᒋᓪᓗᓂᔾᔪᒃ ᓄᓇᕗᒻᒥ ᐆᒻᒪᖅᑯᑎᓕᕆᔩᑦ. ᓄᓇᕗᒻᒥ ᐆᒻᒪᖅᑯᓯᐅᖃᑦᑕᖅᐳᑦ ᐊᑐᖅᖢᑎᒃ ᐅᖅᓱᖅᑐᖅᑐᓂᒃ ᐊᐅᓚᐅᑎᓂᒃ ᐆᒻᒪᖅᑯᓯᐅᕐᕕᖕᓂᒃ.
ᐊᕐᕌᒎᒃ ᒪᕐᕉᒃ ᐊᓂᒍᕋᓱᖕᓂᖏᓐᓂ, ᑲᓇᑕᐅ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑯᐊᐳᕇᓴᖏᓐᓂᒃ ᑮᓇᐅᔭᖃᖅᑎᑦᑎᓂᐊᖅᑐᑦ ᐊᓯᔾᔨᖅᑕᐅᔪᓐᓇᕐᓂᐊᕐᒪᑕ ᓄᑕᐅᓐᖏᑦᑐᑦ, ᐅᖅᓱᖅᑐᓗᐊᖅᑐᓪᓗ ᐆᒻᒪᖅᑯᓯᐅᕐᕖᑦ ᐊᕐᕕᐊᓂ, ᐃᖃᓗᒃᑑᑦᑎᐊᕐᒥ, ᐃᒡᓗᓕᒑᕐᔪᖕᒥ, ᐅᖅᓱᖅᑑᕐᒥ, ᒥᑦᑎᒪᑕᓕᖕᒥ, ᑲᖏᖅᖠᓂᕐᒥ, ᖃᐅᓱᐃᑦᑐᕐᒥ ᐊᒻᒪᓗ ᑎᑭᕋᕐᔪᐊᕐᒥ.
ᑕᒪᓐᓇ ᐊᖅᑯᑕᐅᓗᓂ ᓴᖅᑭᑦᑎᓂᐊᕈᓇᖅᑐᑦ ᐃᖅᑲᓇᐃᔮᒃᓴᓂᒃ (ᒫᔾᔨ 2011-ᒧᑦ ᑎᑭᓪᓗᒍ) ᑕᒪᒃᑯᐊ ᓄᑖᑦ ᐊᐅᓚᐅᑏᑦ ᐃᓕᐅᖅᑲᖅᑕᐅᓕᖅᑎᓪᓗᒋᑦ.
ᓄᑖᑦ ᐊᐅᓚᐅᑏᑦ ᐅᖅᓱᖅᑐᓐᖏᓐᓂᖅᓴᐅᔪᑦ ᐊᒻᒪᓗ ᐃᓯᐊᕿᓐᖏᓐᓂᖅᓴᐅᓪᓗᑎᒃ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑯᐊᐳᕇᓴᖓᑦ ᐃᓱᒪᔪᑦ ᑖᒃᑯᐊ ᓄᑖᑦ ᐆᒻᒪᖅᑯᓯᐅᕐᕖᑦ ᐅᖅᓱᖅᑐᓐᖏᓐᓂᖅᓴᐊᕋᓱᒋᓪᓗᓂᒋᑦ 162 ᒥᓕᐊᓐ ᖃᓪᓗᑎᓂᒃ ᐊᕐᕌᒍᑕᒫᖅ, ᐊᒻᒪᓗ ᒑᓯᓂᒃ ᐃᓯᐊᕿᓐᖏᓐᓂᖅᓴᐅᓂᐊᕋᓱᒋᔭᐅᓪᓗᑎᒃ 4,212 ᒪᑦᕆᒃ ᑕᓐᓯᓂᒃ ᐊᕐᕌᒍᑕᒫᖅ. ᑕᒪᒃᑯᐊᓕᒫᑦ ᐊᕗᖓᐅᔨᓯᒪᔪᒃᑯᑦ ᐊᕙᑦᑎᑦᑎᓐᓄᑦ ᐱᐅᔪᒧᑦ ᐃᑲᔫᑎᖃᕐᓂᐊᖅᑐᑦ. ᐊᒻᒪᓗ, ᐊᑐᓂ ᐊᐅᓚᐅᑏᑦ ᐆᒻᒪᖅᑯᓯᐅᕐᕖᑦ ᐃᓕᐅᖅᑲᐃᕕᐅᓯᒪᓂᐊᖅᑐᑦ ᐆᓇᖅᑐᓄᑦ ᑕᐅᖅᓰᔾᔪᑎᓂᒃ, ᐅᖅᑰᓴᐃᔾᔪᑕᐅᒃᑲᓐᓂᕈᓐᓇᕐᓂᐊᕐᒪᑕ ᐊᑐᖅᓯᒪᔪᕕᓃᑦ. ᐊᑐᖅᓯᒪᔪᓂᒃ ᐅᖅᑰᓴᐅᒻᒥᒃ ᐊᑐᒃᑲᓐᓂᕈᓐᓇᖅᑐᓄᑦ ᑕᐅᖅᓰᔾᔪᒻᒥᒃ ᐱᑕᖄᓂᒃᐸᑦ (ᐊᕐᕕᐊᑦ ᐊᒻᒪᓗ ᑲᖏᖅᖠᓂᖅ) ᑖᒃᑯᐊ ᐱᑐᒃᑕᐅᑲᐅᑎᒋᓂᐊᖅᑐᑦ ᐅᖅᑰᓴᐅᑕᐅᓯᑲᐅᑎᒋᓂᐊᕐᒪᑕ ᐊᒻᒪᓗ ᐃᒥᕐᒧᑦ ᐆᓇᖅᓯᑦᑏᔾᔪᑕᐅᓕᕐᓗᑎᒃ ᐃᒡᓗᓄᑦ ᖃᓂᒋᔭᖏᓐᓄᑦ.
ᑲᑎᓕᒫᕐᓗᒋᑦ ᐱᓕᕆᐊᒧᑦ ᑮᓇᐅᔭᖅᑐᕈᑕᐅᓂᐊᖅᑐᑦ ᑕᒫᓂ $13,900,000-ᖏᓐᓃᓐᓂᐊᖅᑐᑦ, ᑖᒃᑯᓇᓐᖓᑦ $5,835,250 ᑲᓇᑕᐅ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᕐᓂᐊᖅᖢᑎᒃ. ᐊᒥᐊᒃᑯᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑯᐊᐳᕇᓴᖏᓐᓂᓐᖔᕐᓂᐊᖅᑐᑦ.
ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ
ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐊᕐᕌᒎᖕᓄᑦ ᒪᕐᕉᖕᓄᑦ ᐊᑐᖅᑐᒃᓴᓐᖑᖅᑎᑕᐅᓚᐅᖅᓯᒪᔪᖅ ᑲᓇᑕᓕᒫᒧᑦ, ᐊᑐᖅᑕᐅᓪᓗᓂ ᑮᓇᐅᔭᑦ ᐊᑐᕈᒫᕐᓂᐊᖅᑐᑦ 2009, ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦᑎᒍᑦ. ᑐᕌᒐᖃᖅᐳᑦ ᑮᓇᐅᔭᓕᐅᕋᓱᐊᕈᑎᓂᒃ ᐱᕚᓪᓕᖅᑎᑦᑎᓇᓱᖕᓂᕐᒥᒃ ᓴᖅᑭᑦᑎᓂᐊᕐᒪᑕ ᒪᑭᒪᐃᓂᐊᕐᒪᑕᓘᓐᓃᑦ ᐃᖅᑲᓇᐃᔮᓂᒃ ᓄᓇᓕᖕᓂ ᐊᒃᑐᖅᑕᐅᓗᐊᓐᖑᐊᓚᐅᖅᑐᓄᑦ ᓄᓇᕐᔪᐊᕐᒥ ᑮᓇᐅᔭᑦ ᑲᑕᐅᒥᓯᒪᑎᓪᓗᒋᑦ, ᐊᒻᒪᓗ ᓴᖅᑭᔮᖅᑎᑦᑎᒃᑲᓐᓂᐅᑕᐅᓪᓗᑎᒃ ᑮᓇᐅᔭᓕᐅᕋᓱᐊᕈᑏᑦ ᐊᔾᔨᒌᓐᖏᑦᑑᓂᖅᓴᐅᓂᐊᕐᒪᑕ ᑕᐃᒪᐃᑦᑐᓂ ᓄᓇᓕᖕᓂ. ᐊᕗᖓᐅᔨᓯᒪᔪᑦ ᑮᓇᐅᔭᓕᐅᕋᓱᐊᕈᑏᑦ ᓄᓇᒥᓐᖔᖅᑐᓂᓪᓗ ᐃᑲᔫᑏᑦ ᐃᓱᒪᒋᔭᐅᖃᑕᐅᔾᔭᐅᖃᑦᑕᕐᒥᔪᑦ.
ᓄᓇᓕᖕᓂ ᐊᖅᑭᒋᐊᕆᓂᕐᒧᑦ ᑮᓇᐅᔭᑦ ᓴᖅᑭᑕᐅᖃᑦᑕᖅᐳᑦ ᑲᓇᑕᐅ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ ᐱᖓᓱᓂ ᐅᑭᐅᑕᖅᑐᒥ ᒐᕙᒪᖃᕐᕕᐅᔪᓂ. ᑲᓇᑕᐅ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᐱᑎᑕᐅᓚᐅᖅᑐᑦ $32.8 ᒥᓕᐊᓐᓂᒃ ᐊᕐᕌᒎᒃ ᒪᕐᕉᒃ ᐃᓗᐊᓂ ᐅᑭᐅᑕᖅᑐᒥᐅᓄᑦ ᐊᑐᖅᑐᒃᓴᓂᒃ.
