ᔫᑳᓐᒥ ᐃᓕᖅᑯᓯᓕᕆᓂᕐᒧᑦ ᐳᓚᕋᖅᑐᓕᕆᓂᕐᒧᓪᓗ ᑐᕌᖓᔪᑦ ᐱᓕᕆᐊᖑᑦ

ᑖᒃᑯᐊᒃ ᒪᕐᕉᒃ, ᑮᓇᐅᔭᖃᖅᑎᑕᐅᓪᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᓂᑦ, ᐱᕚᓪᓕᐅᑕᐅᓂᐊᖅᑐᑦ ᐊᒻᒪᓗ ᐱᓯᓂᓯᓕᖕᓄᑦ ᐱᕚᓪᓕᐅᑕᐅᓂᐊᖅᖢᑎᒃ ᔫᑳᓐᒥ, ᑕᑯᒃᓴᐅᑎᑦᑎᓂᐊᖅᖢᑎᒃ ᓴᖅᑭᔮᖅᑎᑦᑎᕚᓪᓕᐅᑕᐅᓂᐊᖅᖢᑎᒡᓗ ᐱᓐᖑᐊᕈᓯᖏᓐᓂᒃ ᐊᒻᒪᓗ ᐃᓕᖅᑯᓯᑐᖃᖏᓐᓂᒃ, ᔫᑳᓐᓗ ᐅᐸᒍᒥᓇᕐᓂᖅᓴᐅᓕᖅᑎᑕᐅᓂᐊᖅᖢᓂ ᐳᓚᕋᖅᑎᓄᑦ, ᐃᑲᔪᖅᓲᑕᐅᓂᐊᖅᖢᓂᓗ ᐃᖅᑭᓖᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᓚᓕᐅᔾᔭᐅᕙᓪᓕᐊᓂᖏᓐᓄᑦ ᔫᑳᓐᒥ.

ᐃᖅᑭᓖᑦ ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦᑕ ᐱᓕᕆᐊᖓᑦ ᔫᑳᓐᒥ ᐃᖅᑭᓖᑦ 2010-ᒥ ᐱᓕᕆᐊᖓᑦ
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $715,800

ᔫᑳᓐᒥᐅᑦ ᐃᖅᑭᓖᑦ ᑲᑐᔾᔨᖃᑎᒌᖏᑦ ᑮᓇᐅᔭᖅᑖᖅᑎᑕᐅᓂᐊᖅᐳᑦ ᒪᕐᕈᐃᖕᓂᓐᖔᖅᑑᖕᓂᒃ ᐊᑐᕐᓗᒍ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᑦ, $526,882-ᓂᒃ Targeted Investment Program-ᑯᑦ ᐊᒻᒪᓗ $188,918 ᐱᔭᐅᓂᐊᖅᖢᑎᒃ Innovation and Knowledge Fund-ᑯᓐᓂᑦ.  ᐃᖅᑲᓇᐃᔭᖃᑎᖃᕐᓗᑎᒃ ᑎᓴᒪᓂᒃ ᑐᓐᖓᓱᒃᑎᑦᑎᔨᐅᓂᐊᖅᑐᓂᒃ ᐃᖅᑭᓖᑦ ᑲᑐᔾᔨᖃᑎᒌᖏᓐᓂᒃ ᐊᒻᒪᓗ ᕚᓐᑰᕙᒥ ᐱᓐᖑᐊᕕᒡᔪᐊᖅᑐᓂᒃ ᐋᖅᑭᒃᓱᐃᔩᑦ ᑲᑎᒪᔨᕋᓛᖏᓐᓂᒃ 2910-ᒥ ᐱᓐᖑᐊᕕᒡᔪᐊᕐᓂᖃᕐᓂᐊᖅᑎᓪᓗᒋᑦ ᐊᒻᒪᓗ ᑎᒥᒥᒍᑦ ᐊᔪᕈᑎᓖᑦ ᐅᑭᐅᒃᑯᑦ ᐱᓐᖑᐊᕕᒡᔪᐊᕐᓂᖃᕐᓂᐊᖅᑎᓪᓗᒋᑦ, ᔫᑳᓐᒥ ᐃᖅᑭᓖᑦ 2010-ᒥ ᐊᐅᓚᑦᓯᔨᖏᑦ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᔫᑳᓐᒥ ᐃᖅᑭᓖᑦ ᓄᓇᓕᖁᑎᖏᓐᓂᒃ ᐊᒻᒪᓗ ᐱᓯᓂᓯᓕᕆᔨᖏᓐᓂᒃ ᐊᔾᔨᒌᓐᖏᑦᑐᓂᒃ ᓴᖅᑭᑦᑎᔪᓐᓇᕐᓂᐊᕐᒪᑕ ᔫᑳᓐᒥᐅᑦ ᐃᖅᑭᓕᖏᑦᑕ ᓂᐅᕐᕈᑎᖃᕋᓱᐊᕐᓂᒃᑯᑦ ᑲᔪᓯᑎᑦᑎᑦᑎᐊᖅᓯᒪᓂᖏᓐᓂᒃ ᐊᒻᒪᓗ ᐃᓕᖅᑯᓯᑐᖃᖏᓐᓄᑦ ᑐᕌᖓᔪᓂᒃ.

ᔫᑳᓐᒥ ᐃᖅᑭᓖᑦ 1020-ᒥ ᑲᔪᓯᑎᓐᓂᐊᖅᑕᖏᑦ ᐃᓚᖃᕐᓂᐊᖅᐳᑦ ᐱᓯᓂᓯᖃᖅᑐᑦ ᓴᖅᑭᔮᖅᑎᑕᐅᓂᐊᕐᓂᖏᑦ ᐳᓚᕋᖅᑐᓕᕆᓂᕐᒥᒃ ᐱᓕᕆᐊᓖᑦ, ᐅᔭᕋᒃᓯᐅᕐᓂᕐᒥᒃ ᐊᒻᒪᓗ ᐃᓕᖅᑯᓯᑐᖃᓕᕆᓂᕐᒥᒃ ᐱᔾᔪᑎᓖᑦ.  ᐃᓚᖃᕐᓂᐊᖅᑐᑦ ᐅᓂᒃᑳᖅᑐᐊᖃᑦᑕᕐᓂᕐᒥᒃ ᐊᒻᒪᓗ ᒧᒥᐅᓯᕐᒥᓂᒃ ᓴᖅᑭᔮᖅᑎᑦᑎᓂᖅ, ᑕᕐᕆᔭᐅᓯᐅᖅᓯᒪᔪᓂᒃ ᐊᒻᒪᓗ ᐊᔾᔨᓕᐊᕕᓂᕐᓂᒃ.  ᐱᓯᓂᓯᖃᕐᓂᕐᒧᑦ ᑐᕌᖓᔪᓂᒃ ᓴᖅᑭᔮᖅᑎᑕᖏᑦ ᑕᑯᒃᓴᐅᑎᑦᑎᓗᐊᓐᖑᐊᕐᓂᐊᖅᑐᑦ ᑮᓇᐅᔭᓂᒃ ᓴᒡᕙᐃᕕᐅᔪᓐᓇᓕᕇᖅᑐᓂᒃ ᐊᒻᒪᓗ ᔫᑳᓐ ᑕᑯᒃᓴᐅᑎᑕᐅᓂᐊᖅᖢᓂ ᐅᐸᒍᒥᓇᕐᓂᖅᐹᖑᑎᑕᐅᓗᓂ ᑲᔾᔭᐅᓴᒋᐊᖅᑐᖅᑐᓄᑦ ᐊᖅᑯᑕᐅᓗᑎᒃ ᔫᑳᓐᒥᐅᑦ ᐃᖅᑭᓖᑦ 2010 ᖃᕆᓴᐅᔭᒃᑰᖅᑎᓯᒪᔭᖓ, ᐅᕝᕙ ᑐᕌᕈᑖ: (www.yfn2010.org).

ᑖᓐᓇ ᐱᓕᕆᐊᖑᔪᒪᔪᖅ ᐊᖅᑯᑕᐅᓗᓂ ᓴᓇᕐᕈᑎᒃᓴᓕᐅᕈᑕᐅᓂᐊᖅᑐᖅ ᓴᖅᑭᑦᑎᕙᓪᓕᐊᑎᑦᑎᔾᔪᑕᐅᓗᓗᓂᓗ, ᐊᒻᒪᓗ ᓂᐅᕐᕈᑎᖃᕋᓱᖕᓂᒃᑯᑦ ᐃᑲᔪᖅᑕᐅᓂᐊᖅᖢᑎᒃ ᑕᐃᒃᑯᐊ ᐃᓚᐅᔪᓕᒫᑦ ᐅᐸᓗᖓᐃᖅᓯᒪᑦᑎᐊᕐᓂᐊᕐᒪᑕ ᐊᑐᕐᓗᓂᒋᓪᓗ ᐱᕕᑖᕆᔭᓕᒫᖑᔪᓐᓇᖅᑐᑦ 2010-ᒥ ᕚᓐᑰᕙᒥ ᐱᓐᖑᐊᕕᒡᔪᐊᕐᓂᖅᑕᖃᖅᑎᓪᓗᒍ.  ᐃᖅᑲᓇᐃᔭᖃᑎᒋᔭᐅᓗᑎᒃ ᔫᑳᓐᒥᐅᑦ ᐃᖅᑭᓖᑦ ᑲᑐᔾᔨᖃᑎᒌᖏᑦ, ᐊᐅᓚᑦᓯᔨᒋᔭᐅᔪᑦ ᐋᖅᑭᒃᓱᐃᓂᐊᖅᑐᑦ, ᐊᐅᓚᑦᑎᓗᑎᒃ ᐊᒻᒪᓗ ᓴᖅᑭᑦᑎᓗᑎᒃ ᖃᓄᐃᓕᐅᕐᓂᕆᔭᐅᓂᐊᖅᑐᓂᒃ ᐊᒻᒪᓗ ᐊᐅᓚᑕᐅᔭᕆᐊᓕᖕᓂᒃ ᔫᑳᓐᒥᐅᑦ ᐃᖅᑭᓕᖏᑦᑕ ᐃᓚᐅᓂᐊᕐᓂᕆᔭᖏᑦ 2010-ᒥ ᓄᓇᖃᖅᑳᖅᓯᒪᔪᑦ ᑕᑯᔭᒐᖃᕐᕕᖓᓂ ᐊᒻᒪᓗ ᐊᓯᖏᓐᓂ 2010-ᒥ ᖃᓄᐃᓕᐅᕐᓂᐅᓂᐊᖅᑐᓂ.

ᔫᑳᓐᒥᐅᑦ ᒐᕙᒪᒃᑯᖏᑦᑕ ᐳᓚᕋᖅᑐᓕᕆᓂᕐᒧᑦ ᑮᓇᐅᔭᓂᒃ ᐃᓕᓯᕙᓪᓕᐊᑎᑦᑎᓂᕐᒥᒃ ᐱᓕᕆᐊᖓᑦ
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $245,000

ᔫᑳᓐ ᒐᕙᒪᒃᑯᖏᑦ ᑮᓇᐅᔭᖅᑖᖅᑎᑕᐅᓚᐅᖅᐳᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᓂᒃ ᐊᑐᖅᑐᒃᓴᐅᑕᐅᑎᑕᐅᔪᓂᒃ ᐳᓚᕋᖅᑐᓕᕆᓂᕐᒧᑦ ᑮᓇᐅᔭᓂᒃ ᐃᓕᓯᕙᓪᓕᐊᑎᑦᑎᓂᕐᒧᑦ.  ᔫᑳᓐ ᒐᕙᒪᖏᑦᑕ ᐳᓚᕋᖅᑐᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᐱᓕᕆᕝᕕᖓᑦ, ᐃᐅ ᓄᐊᑦ (Air North), ᑲᓃᑎᐊᒃᑯᑦ ᖃᖓᑕᓲᓕᕆᔨᖏᑦ (Canadian North Airlines), ᐊᒻᒪᓗ ᓄᓇᑦᓯᐊᕐᒥ ᐳᓚᕋᖅᑐᓕᕆᓂᕐᒧᑦ ᐱᓕᕆᕝᕕᖓᑦ ᐃᓕᓯᒃᑲᓐᓂᓚᐅᖅᑐᑦ $142,000-ᓂᒃ ᑕᒪᑐᒧᖓ ᐊᑐᒃᑲᓐᓂᕋᔭᖅᑐᓂᒃ.  ᑖᒃᑯᐊ ᑮᓇᐅᔭᑦ ᐊᑐᖅᑕᐅᔪᓐᓇᕐᓂᐊᖅᑐᑦ ᐅᓄᖅᑐᓄᑦ ᓴᓇᕐᕈᑎᒃᓴᐅᔪᓐᓇᕐᓂᐊᖅᑐᓄᑦ ᔫᑳᓐᒥᐅᑦ ᐳᓚᕋᖅᑐᓕᕆᓂᕐᒥᒃ ᐱᓕᕆᐊᖏᓐᓄᑦ ᐊᑐᖅᑐᒃᓴᓂᒃ.  ᐅᑯᐊᖑᕗᑦ ᐃᓚᖏᑦ:

• ᑕᕐᕆᔭᐅᓯᐅᕐᓂᖅ ᑕᑯᒃᓴᐅᑦᑎᐊᕐᓂᖅᓴᐅᔪᓂᒃ ᐊᔾᔨᓕᐅᕆᔪᓐᓇᖅᑐᓂᒃ ᐊᑐᕐᓗᑎᒃ;
• ᐊᔾᔨᓕᐊᕕᓃᑦ ᐃᓕᐅᖅᑲᖅᑕᐅᔪᓐᓇᖅᑐᑦ ᐊᒻᒪᓗ ᓂᐅᕐᕈᑎᖃᕋᓱᐊᕐᓂᕐᒥᒃ ᑲᔪᖏᖅᓴᐅᑎᓕᐅᕐᓂᖅ;
• ᖃᕆᓴᐅᔭᒃᑰᖅᑎᑕᐅᔪᒃᓴᓄᑦ ᐃᑲᔫᑏᑦ, ᑕᕝᕘᓇ ᕿᒥᕐᕈᐊᖅᑐᑦ ᐃᒻᒥᓂᓐᖔᖅᑐᓂᒃ ᐅᓂᒃᑳᒃᓴᒥᖕᓂᒃ ᑎᑎᕋᕈᓐᓇᕐᓂᐊᕐᒪᑕ ᐊᔾᔨᓐᖑᐊᓂᒡᓗ ᐃᓕᓯᓗᑎᒃ;
• ᖃᕆᓴᐅᔭᒃᑯᑦ ᐊᑐᖅᑕᐅᔪᓐᓇᖅᑐᖅ ᑕᐃᔭᖅ Airline Wizard, ᕿᒥᕐᕈᐊᖅᑐᑦ ᑕᑯᒋᐊᕈᓐᓇᕐᓂᐊᕐᒪᑕ ᖃᖓᑕᓲᑦ ᓇᓕᐊᒃ ᑕᐅᕗᓐᖓᐅᖃᑦᑕᕐᒪᖔᖏᑦ; ᐊᒻᒪᓗ
• ᐅᑭᐅᖅᑕᖅᑐᒧᑦ ᐊᑭᖃᓐᖏᑦᑐᒥᒃ ᖃᖓᑦᑕᐅᑎᑖᕋᓱᐊᕈᑦ;

ᐅᑭᐅᖅᑕᖅᑐᒥ ᐃᓕᖅᑭᓯᓕᕆᓂᕐᒧᑦ ᑲᑐᔾᔨᖃᑎᒌᑦ (NCES)’s ᖃᓄᐃᓕᐅᒃᑲᓐᓂᕐᓂᐊᕐᓂᖏᑦ: ᑐᑭᒧᐊᒃᑎᑦᑎᔾᔪᑎᓂᒃ ᐸᕐᓇᐅᓯᐅᕐᓂᖅ
ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $40,000

ᐅᑭᐅᖅᑕᖅᑐᒥ ᐃᓕᖅᑯᓯᓕᕆᓂᕐᒧᑦ ᑲᑐᔾᔨᖃᑎᒌᑦ ᑮᓇᐅᔭᓕᐅᕋᓱᐊᖅᑎᐅᓐᖏᓚᑦ ᐊᒻᒪᓗ ᐃᖅᑲᓇᐃᔭᖃᑎᖃᓲᖑᕗᑦ ᓴᓇᓐᖑᐊᒐᐃᕐᕕᖕᒥᒃ (Sundog Carving Studio).  ᑮᓇᐅᔭᖃᖅᑎᑕᐅᓂᐊᖅᑐᑦ ᐸᕐᓇᐃᕙᓪᓕᐊᔪᓐᓇᖅᓯᓂᐊᕐᒪᑕ ᓴᖅᑭᔮᖅᑎᑦᑎᒃᑲᓐᓂᕋᓱᐊᕐᓂᕐᒥᒃ ᑕᑯᒃᓴᐅᑎᑦᑎᓂᕐᒥᒡᓗ ᔫᑳᓐᒥᐅᑦ ᓴᓇᓐᖑᐊᖅᑎᖏᑦᑕ ᓴᓇᖃᑦᑕᖅᑕᖏᓐᓂᒃ.  ᑕᐃᒪᐃᑦᑑᑎᓪᓗ ᐃᖅᑲᓇᐃᔮᒃᓴᓂᒃ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᒃᓴᒃᑲᓐᓂᕐᓂᒃ ᓴᖅᑭᑦᑎᒃᑲᓐᓂᕈᓐᓇᕐᓂᐊᖅᑐᑦ ᔫᑳᓐᒥᐅᑦ ᐃᖅᑭᓕᖏᑦᑕ ᓴᓇᓐᖑᐊᖅᑎᖏᓐᓂᒃ, ᒪᒃᑯᒃᑐᖁᑎᖏᓐᓂᒃ ᐊᒻᒪᓗ ᔫᑳᓐᒥᐅᑦ ᓄᓇᓕᖁᑖᓂᒃ.

ᑕᑯᒋᐊᕐᓗᒍ:  www.sundogretreat.com/carving.html

ᐃᑲᔪᖅᓱᐃᓂᖅ ᐱᓯᓂᓯᓂᒃ, ᐃᑲᔪᖅᓱᐃᓂᖅ ᑲᓇᑕᒥ ᑮᓇᐅᔭᓕᐅᕋᓱᐊᕈᑎᓂᒃ

ᑖᒃᑯᐊ ᑮᓇᐅᔭᖃᖅᑎᑕᐅᓂᐊᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᓄᑦ, ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒍᑦ, ᐅᑯᑎᒎᓇᖅ ᓴᖅᑭᑕᐅᔪᓐᓇᖅᖢᑎᒃ: Canada’s Economic Action Plan.  ᑕᑯᒋᐊᕐᓂᐊᖅᐸᐃᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᖃᕆᓴᐅᔭᒃᑰᖅᑎᑕᖏᑦ ᐅᕘᓇ www.north.gc.ca ᑐᑭᓯᒃᑲᓐᓂᕈᒪᒍᕕᑦ ᖃᓄᐃᓕᐅᖃᑦᑕᕐᒪᖔᖏᑦ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒎᖅᑐᑦ.