ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦ ᐃᑲᔪᖅᓱᐃᕗᑦ ᐃᒪᐅᑉ ᖃᓂᒋᔮᑕ ᓄᓇᖓᑕ ᐱᕙᓪᓕᐊᑎᑕᐅᓂᐊᕐᓂᖓᓂᒃ

CanNor-09-019

ᔭᓗᓇᐃᕝ (ᔭᓗᓇᐃᕝ 29, 2010) –  ᔭᓗᓇᐃᕝᒥᐅᑦ ᖃᓂᒡᓕᒃᑲᓐᓂᖅᐳᑦ ᑐᓚᒃᑕᕐᕕᓕᕆᓂᕐᒧᑦ ᑲᒥᓴᑖᕐᓂᐊᕐᓂᖓᑦ, ᑖᒃᑯᐊ ᓴᖅᑭᔮᖅᑎᑦᑎᔨᐅᓂᐊᕐᒪᑕ ᐃᒪᐅᑉ ᖃᓂᒋᔮᓃᑦᑐᑦ ᐱᕙᓪᓕᐊᑎᑕᐅᓂᖏᓐᓂᒃ, ᐊᒻᒪᓗ ᖁᔭᓐᓇᒦᖅᑕᐅᕗᑦ ᑲᓇᑕᐅᑉ ᒐᕙᒪᒃᑯᖏᑦ ᑕᒪᒃᑯᓄᖓ ᐊᑐᖅᑐᒃᓴᓂᒃ ᑮᓇᐅᔭᖃᖅᑎᑦᑎᔪᓐᓇᕐᒪᑕ.

ᓴᒃ ᔅᑐᕌᓪ, ᒥᓂᔅᑕᕆᔭᐅᔪᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ $200,000-ᓂᒃ ᐊᕐᕌᒎᓄᑦ ᐱᖓᓱᑦ ᐊᓂᒍᕋᓱᖕᓂᖓᓂ, ᑮᓇᐅᔭᖅᑖᖅᑎᑦᑎᓂᐊᕐᓂᕋᖅᖢᓂ ᐊᑐᖅᑐᒃᓴᓂᒃ ᐸᕐᓇᐃᓂᕐᒧᑦ, ᖃᐅᔨᓴᐃᓂᕐᒧᑦ ᐊᒻᒪᓗ ᐃᓄᓕᒫᖅᑎᑦᑎᑲᑕᖕᓂᕐᒧᑦ, ᓴᖅᑭᑕᐅᔪᓐᓇᕐᓂᐊᕐᒪᑕ ᑐᓚᒃᑕᕐᕕᓕᕆᓂᕐᒧᑦ ᑲᒥᓴᐃᑦ ᔭᓗᓇᐃᕝᒥ.

“ᑖᒃᑯᐊ ᑮᓇᐅᔭᑦ ᔭᓗᓇᐃᕝᒥᐅᓄᑦ ᐃᑲᔫᑕᐅᓂᐊᖅᑐᑦ ᓴᖅᑭᑦᑎᓂᐊᖅᑎᓪᓗᒋᑦ ᑐᓚᒃᑕᕐᕕᓕᕆᓂᕐᒧᑦ ᑲᒥᓴᓂᒃ ᑲᔪᖏᖅᓴᐃᔨᐅᓂᐊᖅᑐᓂᒃ ᐃᒡᓗᖃᕐᕕᒃᓴᓂᒃ, ᐳᓚᕋᖅᑐᓕᕆᓂᕐᒧᑦ ᐊᒻᒪᓗ ᐱᓯᓂᓯᖃᖅᑐᑦ ᐱᕙᓪᓕᐊᑎᑕᐅᒃᑲᓐᓂᕈᓐᓇᕐᓂᖏᓐᓄᑦ ᐃᒪᐅᑉ ᖃᓂᒋᔮᓃᑦᑐᒃᓴᓂᒃ,” ᑕᐃᒪᓐᓇ ᐅᖃᓚᐅᖅᑐᖅ ᒥᓂᔅᑕ ᔅᑐᕌᓪ.  “ᒐᕙᒪᕗᑦ ᐅᐱᑉᐳᑦ ᑕᒪᑐᒥᖓ ᐃᑲᔪᖅᓱᐃᔪᓐᓇᕋᒥᒃ, ᐊᒻᒪᓗ ᐊᕙᑎᕗᑦ ᐱᖅᑯᓯᑐᖃᖅᑎᒍᓪᓗ ᐊᒃᑐᖅᑕᐅᓴᕋᐃᓐᓂᐊᖅᑐᑦ ᐃᒃᐱᒋᔭᐅᓯᓐᓈᕐᓗᑎᒃ.”

“ᐃᒪᐅᑉ ᖃᓂᒋᔮᓃᑦᑐᑦ ᐊᒃᓱᐊᓗᒃ ᐱᒻᒪᕆᐅᑎᑕᐅᔪᑦ ᓄᓇᓕᑦᑎᓐᓄᑦ, ᓄᓇᖃᖅᑐᓄᑦ ᐊᒻᒪᓗ ᐳᓛᕆᐊᖅᓯᒪᔪᓄᑦ ᐊᑐᖅᑕᐅᖃᑦᑕᖅᖢᑎᒃ ᐃᖃᐃᔭᕐᕕᐅᓪᓗᑎᒃ, ᐱᓐᖑᐊᕐᕕᐅᓪᓗᑎᒃ, ᓂᐅᕕᕆᐊᕐᕕᐅᓪᓗᑎᒃ ᐊᒻᒪᓗ ᓄᓇᒋᔭᐅᓪᓗᑎᒃ,” ᑕᐃᒪᓐᓇ ᐅᖃᓚᐅᖅᑐᖅ ᓕᐅᓇ ᐊᒡᓘᒃᑲᖅ, ᒥᓂᔅᑕ ᐱᔭᒃᓴᖅᑖᖅᑎᑕᐅᓯᒪᔪᖅ ᐅᑭᐅᖅᑕᖅᑐᕐᒥᐅᓂᒃ ᐊᒻᒪᓗ ᒥᓂᔅᑕᕆᔭᐅᓪᓗᓂ ᐋᓐᓂᐊᖃᕐᓇᓐᖏᑦᑐᓕᕆᔨᒃᑯᓐᓄᑦ. “ᑕᒪᓐᓇ ᓯᕗᒧᑦ ᑕᑯᓐᓇᖅᑐᖅ ᐱᒋᐊᖅᑎᑕᐅᓯᒪᔪᖅ ᐊᑐᖅᑕᐅᓗᓂ ᐃᒪᐅᑉ ᖃᓂᒋᔮᓃᑦᑐᑦ ᔭᓗᓇᐃᒥ ᐊᑐᖅᑕᐅᔪᓐᓇᕐᓂᐊᖅᑐᑦ ᐅᑭᐅᖅᑕᖅᑐᒥᐅᑦ ᑭᓐᖒᒪᒋᔭᖏᓐᓄᑦ.”

ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᓕᔭᐅᔪᑦ $200,000 ᐊᕐᕌᒍ ᐱᖓᓱᓄᑦ ᐊᑐᖅᑐᒃᓴᑦ ᐃᑲᔫᑕᐅᓂᐊᖅᑐᑦ ᐸᕐᓇᐃᓂᕐᒧᑦ, ᖃᐅᔨᓴᐃᓂᕐᒧᑦ ᐊᒻᒪᓗ ᐃᓄᓕᒫᖅᑎᑦᑎᓂᕐᒧᑦ, ᓴᖅᑭᑦᑎᓂᐊᑐᐃᓐᓇᖅᑎᓪᓗᒋᑦ ᑐᓚᒃᑕᕐᕕᓕᕆᓂᕐᒧᑦ ᑲᒥᓴᓂᒃ.  ᓴᖅᑭᑕᐅᓵᖅᑐᑦ ᑐᓚᒃᑕᕐᕕᓕᕆᓂᕐᒧᑦ ᑲᒥᓴᐃᑦ ᐸᕐᓇᐅᓯᐅᕐᓂᐊᖅᑐᖅ ᐃᒪᐅᑉ ᖃᓂᒋᔮᓃᑦᑐᑦ ᐱᕙᓪᓕᐊᑎᑕᐅᑦᑎᐊᕐᓂᐊᕐᒪᑕ ᔭᓗᓇᐃᕝᒥ ᐊᒻᒪᓗ ᐹᒃ ᐲᒦᑦᑐᑦ (Back Bay).  ᐃᒪᐅᑉ ᖃᓂᒋᔮᓃᑦᑐᑦ ᓴᓇᕕᐅᒍᑎᒃ ᓂᐅᕐᕈᑎᖃᕐᕕᖕᓂ, ᐱᓐᖑᐊᕐᕕᖕᓂ ᐊᒻᒪᓗ ᐃᒡᓗᓕᐅᕐᕕᒃᓴᓂᒃ ᑮᓇᐅᔭᓕᐅᕈᑕᐅᒃᑲᓐᓂᕈᓐᓇᕐᓂᐊᖅᑐᑦ ᐊᒻᒪᓗ ᐊᔾᔨᒌᓐᖏᑦᑐᓂᒃ ᐱᓯᓂᓯᓂᒃ ᐳᓚᕋᖅᑐᓕᕆᓂᕐᒧᓪᓗ ᑐᕌᖓᔪᓂᒃ ᓴᖅᑭᑦᑐᖃᖅᐸᑦ ᐃᑲᔫᑕᐅᒃᑲᓐᓂᕐᓂᐊᖅᑐᖅ ᓄᓇᖃᖅᑐᓄᑦ.

“ᐊᕐᕌᒍᓄᑦ ᐊᒥᓱᓄᑦ ᑲᑐᔾᔨᖃᑎᒌᖕᓂᒃ ᐅᖃᐅᓯᕆᔭᐅᖃᑦᑕᖅᓯᒪᔪᑐᖃᖅ ᔭᓗᓇᐃᕝᒥ ᐃᒪᐅᑉ ᖃᓂᒋᔮ ᖃᓄᐃᓕᐅᖅᑕᐅᓂᐊᕐᒪᖔᖓ,” ᑕᐃᒪᓐᓇ ᐅᖃᓚᐅᖅᑐᖅ ᒍᐊᑕᓐ ᕚᓐ ᑎᒡᕼᐊᒻ, ᔭᓗᓇᐃᕝ ᓄᓇᓕᐸᐅᔭᖓᓄᑦ ᒪᐃᔭᒋᔭᐅᔪᖅ.  “ᖁᔭᓕᕗᒍᑦ ᑲᓇᑕᐅ ᐅᑭᐅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᒎᖅᑐᖅ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ ᑮᓇᐅᔭᑦ ᐊᑐᖅᑕᐅᖕᒪᑕ ᓯᕗᒧᐊᒃᐸᓪᓕᐊᓂᐊᕐᓂᑦᑎᓐᓄᑦ, ᑲᑐᔾᔨᖃᑎᒋᓗᒋᑦ ᐊᓯᕗᑦ, ᓴᖅᑭᓪᓗᑎᒡᓗ ᐃᓅᓯᒃᑯᑦ, ᑮᓇᐅᔭᓕᐅᕋᓱᐊᕐᓂᒃᑯᑦ, ᐱᖅᑯᓯᑐᖃᓕᕆᓂᒃᑯᑦ ᐊᒻᒪᓗ ᓇᔪᒐᕆᔭᐅᔪᓐᓇᖅᓯᓂᐊᕐᒪᑦ ᓄᓇᖅᑲᑎᒌᓄᑦ ᐊᒻᒪᓗ ᐳᓛᖅᑎᓄᑦ.“

ᐃᓚᒋᔭᐅᖃᑕᐅᓪᓗᓂ ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᓐᓄᑦ, ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᖃᖅᑎᑦᑎᓂᐊᖅᑐᑦ ᐊᖅᑯᑎᒋᓗᒋᑦ  ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᒍᑦ ᑐᑭᒧᐊᕈᑏᑦ ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒍᑦ.  ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᒍᑦ ᑮᓇᐅᔭᑦ ᑮᓇᐅᔭᓕᐅᕋᓱᐊᕈᑎᓄᑦ ᐊᑐᖅᑕᐅᓲᖑᕗᑦ, ᒪᑯᓄᖓ ᐱᖁᑎᕐᔪᐊᓄᑦ, ᐱᕙᓪᓕᐊᑎᑦᑎᓂᕐᒧᑦ ᐃᖅᑲᓇᐃᔭᖅᑎᒃᓴᓂᒃ ᐊᒻᒪᓗ ᓴᖅᑭᔮᖅᑎᑦᑎᒃᑲᓐᓂᕋᓱᖕᓂᖅ ᑮᓇᐅᔭᓕᐅᕋᓱᐊᕈᑕᐅᒃᑲᓐᓂᕈᓐᓇᖅᑐᑦ ᐊᔾᔨᒌᔾᔫᒥᑎᑕᐅᓇᓱᖕᓂᖏᓐᓄᑦ.

ᐅᐸᓗᖓᐃᔭᐅᑏᑦ ᑮᓇᐅᔭᓄᑦ ᕿᑐᕐᖏᐅᖅᑎᑦᑎᔾᔪᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᖕᓂᖅ ᐱᕙᓪᓕᐊᑎᑕᐅᓂᖓᓄᑦ ᐱᔭᒃᓴᖅᑖᕆᔭᐅᓯᒪᕗᑦ ᑲᓇᑕᐅ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ ᐊᒻᒪᓗ ᐊᕗᖓᐅᔨᓯᒪᔪᓂᒃ ᑮᓇᐅᔭᓕᐅᕋᓱᐊᕈᑎᓂᒃ ᓵᓐᖓᓗᐊᓐᖑᐊᖃᑦᑕᖅᖢᑎᒃ ᐱᖓᓱᓂ ᐅᑭᐅᑕᖅᑐᒥ ᒐᕙᒪᖃᕐᕕᐅᔪᓂ.  ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᐱᔭᒃᓴᖅᑖᖅᑎᑕᐅᓯᒪᕗᑦ ᑐᑭᒧᐊᖅᑎᑦᑎᓂᕐᒥᒃ ᓴᖅᑭᑎᑦᑎᓂᕐᒥᒡᓗ ᑲᓇᑕᐅᑉ ᒐᕙᒪᒃᑯᖏᑦᑕ ᑮᓇᐅᔭᓕᐅᕋᓱᐊᕈᑎᖏᓐᓂᒃ ᐅᑭᐅᖅᑕᖅᑑᑉ ᒐᕙᒪᖃᕐᕕᖏᓐᓂ, ᐊᒻᒪᓗ ᐊᑐᐊᒐᓕᕆᓂᕐᒥᒃ, ᖃᐅᔨᓴᐃᓂᐃᒥᒃ ᐊᒻᒪᓗ ᐊᔭᐅᖅᑐᐃᔨᐅᓂᕐᒥᒃ.

ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᑐᓴᒐᒃᓴᓕᐊᕕᓂᖏᓐᓂᒃ ᑕᑯᔪᒪᒍᕕᑦ, ᐅᕘᓇ ᑕᑯᔪᓐᓇᖅᑕᑎᑦ:

ᑲᓇᑕᐅᑉ ᑮᓇᐅᔭᓕᐅᕋᓱᐊᕈᑎᓂᒃ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦ ᑐᑭᓯᒃᑲᓐᓂᕈᒪᒍᕕᒋᑦ, ᖃᕆᓴᐅᔭᒃᑯᑦ ᑐᕌᕈᑖ ᐅᓇ ᑕᑯᒋᐊᕈᓐᓇᖅᑕᐃᑦ:
ᐊᒻᒪᓗ ᑲᓇᑕᒥ ᐅᑭᐅᖅᑕᖅᑐᒥᐅᓄᑦ ᑐᑭᒧᐊᕈᑏᑦ, ᐅᓇ ᑕᑯᒋᐊᕐᓗᒍ www.northernstrategy.ca/index-eng.asp

ᑐᑭᓯᒃᑲᓐᓂᕈᒪᒍᕕᑦ ᐅᕗᖓ ᖃᐅᔨᒋᐊᕈᓐᓇᖅᑐᑎᑦ:

ᒥᓂᔅᑕ ᓴᒃ ᔅᑐᕌᓪ ᑎᑎᕋᕐᕕᖓ
ᒥᓯᐅᓪ ᔭᐅ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ
(819) 997-0002

ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ (ᓄᓇᑦᓯᐊᕐᒥ ᐊᕕᒃᑐᖅᓯᒪᔪᑦ 
ᐲᑐᕋ ᕙᐃᑦ
ᑐᓴᐅᒪᔾᔪᑎᓕᕆᓂᕐᒧᑦ ᖃᐅᔨᒪᔨᑕᖅ
(867) 669-2580